Wednesday, 23 April, 2008

موظف مؤقت



سياسة جديدة بدات تتبعها بعض دوائرنا وهيئاتنا الحكومية في سياسة توظيف المواطنين
الا وهي التوظيف بعقد مؤقت !!؟

يعني انا خريج من الجامعة مثلا ، اسير لهل دائرة ويسوون وياي مقابلة واجراءات توظيف 
بس
عقد مؤقت !!
يعني اشتغل فقط لمدة 6 اشهر واتم اجدد العقد كل ست شهور ؟؟ والبعض كل سنه؟؟؟؟
 وكلام ان والله اذا اثبت نفسك... بنثبتك ...بس هذا كله كلااام
صراحه انا استغربت وماصدقت هل شي يوم سمعته
بس وحده اعرفها سوو وياها هالشي واشتغلت 6 شهور ...وعقب الست الشهور قالولها اسمحيلنا ما بنثبتج وانتي عقدج انتهى ...سيري بيتكم؟؟ وطبعا كانو مجهزين وحده ثانية مكانها بعد بعقد مؤقت!!؟
وثاني في جهة اخرى نفس الشي عقد مؤقت براتب ثابت يعني مايحصل على علاوات ثانية، خلص الست شهور ...ردو جدودووله العقد  من دون تثبيت !!؟
المشكله وين في هل عقود المؤقته
اهم واخطر شي ان مالك بدل تقاعد؟
يعني يتمون يجددولك بهل طريقه لين مادري متى؟
وشي ثاني اذا لا سمح الله استوالك شي بالدوام او مت لا قدر الله
مافي راااتب تقاعد يمشي لك او لعيالك !!؟

والله شي يقهر ومستغرب منه

شخصيا اتصلت في الخدمة المدنية وتكلمت مع الاستشاري القانوني لهم، وقالي لا ومستحيل وهل كلام مش موجود في الدوائر وتم يعددلي ويقرالي مواد في القوانين ....وانا يالس اسمع؟
شوي ودش عليه واحد ...قاله هل شي موجود ومطبق ...جاان يصخ؟؟؟
قالي ماعرف ....؟
زين توك اتقول مايصير ومايصير؟؟

انا ابي افهم بهل طريقه كيف اشتغل وانا حاس بالامان؟ يمكن وانا ساير الدوام يستويبي شي ...منو بيتحمل مسؤوليتي؟
ماشالله البلد سوق العمل فيهل خيالي ...والدليل ارقام الوافدين الكبيرة الي تتوافد عالدوله ...ومستحيل يخرجون منها من دون شي وايد اماكن توظيييف الوااافدين ....باشكال مب طبيعيه ...ويا ريتهم لو عرب لا
مهنده وانجليز
ومواطنين يتوظفون بشكل مؤقت؟

مايصير هل كلام يا اخوان

اتمنى ان كل جهة تراعي هل موضوع وكل مسؤول محاسب جدام ربي

والشي الي مانرضاه على نفسنا ... لازم مانرضاه على غيرنا

تحياتي
Posted by Salem at 12:07:51 | Permanent Link | Comments (13) |
Comments
1 - السلام عليكم ورحمة الله وبركاته

في البداية حبيت أشكرك على الطرح المميز

استغربت من الموضوع لأن هالشي ما صار عندنا

أعتقد ان هالشي في القطاع الخاص مب الحكومي .. والشي

الثاني الوافد عندنا صار المواطن الأول شكلهم يبغون يكشكشونا

من وظايفنا .. والنفسية حزتها تبتدي تتعب .. والواحد يحس انه مب ولد البلاد

والحكمة تقول : نمضى النصف الأول من حياتنا بحثاً عن المال والنجاح والشهرة ونمضى
النصف الثانى منها بحثاً عن الأطباء
 (Comment this)

Written by: بنوتة الأهلي at 2008/04/23 - 21:00:47
profile
2 - بنوتة الاهلي

لا اختي هل شي صاير فالقطاع الحكومي؟؟؟؟؟؟؟؟؟؟
ادري صدمه بس هذا الواااقع ويالس ينتشر في الكثير من الدواير

يمكن في الشمايه مب موجود بس للاسف صاير يتفشي هني وماعرف السبب والحجه لهل الاشياء؟؟؟ والله غريبه

ومثلج وايد حلو صراحه عيبني
وانشالله بيكون عندي طرح ثاني في هذا الشان

تسلمي بنوته الاهلي والله يحفظج
 (Comment this)

Written by: Salem at 2008/04/23 - 21:26:14
3 - بسم الله الرحمن الرحيم

شو الاخبار سالم الصراحه الوضع يخوف لكن من ناحيتي الحمد لله ما احتاج التقاعد بس الله يعيني عيل في المقابله واذا اتوضفت لازم اتاكد من من الدوام شو ترتيبهم

والله يعين الشباب الي بينحطون في هاي الاماكن بيفرحون ايام بسيطه وتييهم الصدمه

بــــوســــالـــم (Comment this)

Written by: Anonymous at 2008/04/23 - 23:00:20
4 - أنا أشتغلت 11 شهر مؤقت على نظام الدفع بالساعات في التقنية يحليلي تحملت الكراف لانه شغل الكلية متعب وبالشهر الأخير جهزولي عقد مؤقت وبعد ما وصل العقد المؤقت بأسبوع مادري شو صار وثبتوني فجأة هههه
سوولي واسطة وانا مادري هههه..
المهم كان نصيبي الحمدلله اني اتثبت وحسيت انهم بحااجة ليد عاملة في المكان اللي توظفت عشان جيه ثبتوني يمكن ولاني كنت حشرتهم 11 شهر اسألهم عن تثبيتي واهددهم اني بطلع هههههه !! والحمدلله كفاءتي بالعمل كانت الأفضل بين كل المرشحين


شكرا على الموضوع المفيد
ـــــــــ
مواطنة (Comment this)

Written by: Anonymous at 2008/04/24 - 00:10:17
5 - السلام عليكم ورحمة الله وبركاته

(( وكل مسؤول محاسب جدام ربي ))

صدقت ياخويه بهذي الكلمه الكل محاسب

الإنسان مب مفروض يحاسب نفسه في شغله ويا الناس لا
حتي في تعامليه ويا الناس سواء كان في الشغل او برا الشغل

سواء يكلمه عن طريق الهاتف او ع إتصالات أخري مثل الأنترونت .. وايد يتعاملون مع الناس عن طريق النت

بس للأسف ما يحاسبون بعضهم بكلامهم .. ربي يهديهم

بعضهم تلاقيهم مايقدرون الشخص للي يكمونه عن طريق النت ويتهمونه إتهامات باطله .. وللعلم إذا ما راح يقدرون ياخذون حقهم في الدنيا
لا ييأس او يتألم الأن حقه برجع له يوم الحساب امام رب العالمين وامام جميع الناس .. وان في لقاء ويا هذا الشخص يوم الحساب وكل إنسان هناك بياخذ حقه ... صح كلامي ولا لااا ياخوي


أسأل الله لنا ولك الهدايه وإلا يجعلنا ممن ظلم الآخرين يارب العالمين




مهرة (Comment this)

Written by: Anonymous at 2008/04/24 - 00:26:57
profile
6 - بوسالم

الله يوفقك انشالله في المقابله ويسهل دربك
وانا واثق ان امووورك بتمشي بسهوله ويسر انشالله

والبلاد في ايدي امينه انشالله ومايصير الا الخير

تسلم بو سالم (Comment this)

Written by: Salem at 2008/04/24 - 15:04:41
profile
7 - مواطنه

ماشالله عليج مثال حي للمواطنين المناضلين والصامدين فالقطاع الصعب
بس اذا مشت وياج مب شرط تمشي ويا حد ثاني لول

وتستاهلين التثبيت ولو انها متاخرة ...بس السبب هة ان نبي الحلاوة ؟؟؟ لول
تحياتي (Comment this)

Written by: Salem at 2008/04/24 - 15:10:00
profile
8 - مهره

صح كلامج اختي لازم الشخص يكون مسؤول في عمله ومع اهله ومن حوله وفي جميع جوانب الحياه

بس احيانا تكون في اسباب لتصرفات او ترهات مانكون عارفينها نحن
والشخص المسؤول او الي عالجانب الثاني هو ادرابها

وفي النهاية مافي شي مايتصلح خصوصا اذا حسينا بغلطتنا واعترفنا فيها واتعلمنا وخذينا دروس من تجاربنا

تسلمي مهره ع طرحج المميز والمباشر ولو انج خرجتي عن النص شويه بس والله استانست ع مشاركتج الحلوة والي انشالله ما نحرم منها

مشكووورة مهره

تحياتي (Comment this)

Written by: Salem at 2008/04/24 - 15:19:12
9 - عليك السلام ســـــالم

هممم .. ما أدري شو أقولك

بس الصراحه توقعوا هالشي .. لانه الوافد صار شرات المواطن

الحين المواطنين مش محصلين شغل والوافدين محصلين

وعلى رمست أخووي سالم .. تراه ها صدق

وأنا خبرتني وحده بهالشي أشتغلت كم شهر عقب قالوا ما نروم انثبتج ..

ما ادري شو أقوول

كلامك يعني %

مشكوور أخووي سالم على طرحكـ .. موضوع يستحق النااقش بجد

تحيــاتــي .. تقبل مروري المتواضع

مظلوومة سالم@@ (Comment this)

Written by: Anonymous at 2008/04/24 - 19:09:51
10 - توظيف مؤقت ؟؟؟!!!!!!!

شهالمصخرة ...


انا اعرف واحد مخلص ثانوي وكان يدور له ع شغل... قام يحاول فاكثر من مكان واخر شي قالوله اذا تريد شغل سوق تاكسي !!!

عاد شو اونه عشان التوطين (Comment this)

Written by: ابنة الإسلام at 2008/04/24 - 21:58:07
profile
11 -
مظلومة سالم

تسلمي ع مرورج مظلموة شخبارج؟
معناته ان انتي بعد مضطلعه على هل شي وجفتي نماج مرت بهل اشياء

تسلمي والله واتمنالج التوفيق يا رب

تحياتي (Comment this)

Written by: Salem at 2008/04/25 - 16:52:40
profile
12 -
ابنة الاسلام

انا سمعت عن هل سالفة بعد قبل شهرين تقريبا؟؟؟؟
الله يعينا بس وانا متاكد ان الشيوخ مايعرفون عن هل اشياء والله والي يتحكم بهل اشياء للاسف الناس الي تحت والي ماجافو خير ولا يبون الخير للامارات واهل الامارات

تسلمي ابنة الاسلام وانشالله تكون ردودي انحطت فمدونتج بعد موافقتج الكريمه لووووول
تحياتي (Comment this)

Written by: Salem at 2008/04/25 - 17:03:20
profile
13 -
ابنة الاسلام

انا سمعت عن هل سالفة بعد قبل شهرين تقريبا؟؟؟؟
الله يعينا بس وانا متاكد ان الشيوخ مايعرفون عن هل اشياء والله والي يتحكم بهل اشياء للاسف الناس الي تحت والي ماجافو خير ولا يبون الخير للامارات واهل الامارات

تسلمي ابنة الاسلام وانشالله تكون ردودي انحطت فمدونتج بعد موافقتج الكريمه لووووول
تحياتي (Comment this)

Written by: Salem at 2008/04/25 - 17:06:01