صور لرحلة المالديف - الجزء الاول
هذه بعض صور التقطتها خلال سفرتي الاخيرة الى المالديف
واعتذر عن تاخري لعرضها عشاني كنت ناوي افتتح فيها مدونتي اليديدة
بس الله يسامح ربيعي عبدالسلام انا معتمد عليه وهو الي ماخرني
ااخرتها قلت خلاص بحطها احينه وباجي الصور انشالله عقب
انشالله تعيبكم
نخلة في منتصف المسبح
جلسة في منتصف المسبح
منظر المحيط ومرسى الوصول للجزيرة
منظر للنخله في منتصف البحر في يوم عاصفي؟
منظر الماء والشاليهات المجاورة من الغرفة
سييكلي لووووول
منظر للشاليهات من على الشاطئ
كيس الزبالة طريقته وشكله غريب عن الي نجوفه ونعرفه
مسجد المسلمين وطبعا الماديف تعتبر دوله اسلامية
منظر اخر للمسجد في يوم الجمعه
صليت وياهم وطبعا الخطبة بالعربي والمالديفي
هذا انا( سالم الامارات) جفت سمكة عوودة فالماي لول
هاي الصورة خذتها من نص الماي وانا اسبح للشاليهات الي عدالي لول
” />
هذا انا في حديقة الخضروات
طبعا كل شي ينطبخ فالجزيرة هاي مزروع عالجزيرة نفسها وانشالله عقب براويكم الصور الثانية
(سالم الامارات)
المطعم في منتصف البحر ومفتوح من المنتصف وطبعا دار ما دار مفتوح عالبحر
وجبة مالديفية يطبخونها جدامك وانت تختار شو تبيهم يحطون مع البهارات المالديفية
واحده من اجمل الاكلات الي تذوقتها
اناناس ويا كيك وايسكريم بنكهة الشوكولاته والفانيلا والفراوله في منتصفها مدمجة ويا قطع الاناناس لول وهاي الصورة قبل الاكل
وهاي الصورة بعد الاكل لووول
طبعا كيمرتي جدا عادية ولا كانت طلعت الصور وايد احلو لو عندي وحده من الكاميرات الحلوه نفس نيكون وغيره
تحياتي
![](%3Ca%20href="http://www.badongo.com/pic/3296334"%3E%3Cimg%20src="http://www.badongo.com/t/640/3296334.jpg"%20border="0"%20alt="image%20hosted%20by%20www.badongo.com"%3E%3C/a%3E){kind=link}
السلام عليكم ورحمة الله وبركاته
ما شاء الله المكان يهبل رووووووووووعه عيبتني وايد المناظر
مثل ما يقولون تسحر العين … بس الحمد الله ما سحرتني هع
هل يسمح لي بالتعليق على الصور
سالم الإمارات يقول شاف سمكه عودة بس نحن ما شفنا غير أصبعه العودة هههههه
سالم الإمارات في حديقة الخضروات
انا اول ما شفت الصورة كنت اظن انها فزاعه بس تفاجأة في التعليق يقول
أنه هو في حديقة الخضروات ههههههههههههه
ونحن بنتظار الجزء الثاني ^___^
السلام عليكم
تصدق أدور على مناطق مثل هذي اللي شفتها في الصور
الظاهر ان الجو والأجواء هناك ينسيك اسمك من روعته
بس سؤال إذا ممكن، ما هو أفضل شهور السنة لزيارة هذه الجزر ؟
لأنني أفكر بالسفر لتغيير الجو
مرحباااني
شهالصور شوقتني خاطري اسير هناك الصيف
الصراحة احلى صورة هي صورة الاكل يمي يمي … الحين بتحط ببالك انيه بقرة لا حشا علي بس عيبني الايسكريم ويا الاناناس و لو اني ما اداني الاناناس يسوليه حساسيه
بس انت ما خليت منه شي لنا لووووووووووول
كلته كله و مصورنه ليش تقهرنا يعني هاهاهاها
المهم ثانكس خيو عالصور
باربيوووه
وعليكم السلام ورحمة الله
انا اول مرة حد يدش مدونتي ويقرضني بهل طريييقة !!؟
انت عارف اذا انا اشتغلت قرض شو بسوي فييييك !!؟
عالعموووم شكرا على اطراءك على الصور وفي صور احلى بعد عن جييي بس انشالله بتشوفهم فالجزء الثاني لول
وحط اسمك مرة ثانية عسب نتفاهم ويااااك عدل
انا فزااااعه !!!؟؟؟؟ لوووووووووول
انا بعتبرة مرورك الاول وبمشيها بس نكت تايم يو ويل بي كيلد لول
جاااووووووو لووول
عابر سبيل
مرحبا خوي عابر من فترة ما جفتك لول
الجو هناك نفس الشي تقريبا طول السنه والحلو انه ماشي رطوبه نفس دول شرق ااسياا
ترى جوف هل فندق الوحيد على هل جزيرة وكل شاليهاته في نص الماي …يعني ماشي فلل وشاليهات عالشاطي كله فالماي
وفيه مكان مسكر للخصوصية بعد تروم تسبح فيه اذا ماتبي حد يجوفك
وانصحك صراحه فيه اذا تبي اتغير جو لمدة ثلاث اربع ايام وفي اماكن ثانية في دول ثانية بس كلها تعتمد عالميزانية ياخوي عابر
اذا نويت خبرني وانشالله برتبلك شي حلو يعيبك
تحياتي وتسلم عالمرور الطيب يالغالي
باربيوووه
لا لاتسيرين منااك تعالي ويانا بنسير استراليا ونيوزلاندا لووول
انا احب الاناناس وايد وهل طريقه الي تتسوى فيها ما تنعمل الا هنااكي
انشالله تسيرين وتيربينها اختي باربيووووه
تحياتي
من زمان وانا خاطري ازور هالمكان …….
بس ان شاء الله قريب ……
سنتين وان شاء الله بسير
سرت امريا وبريطانيا والمانيا ….. لكن ولا مرة سرت مكان اسلامي رهيب نفس المالديف
حيا الله سالم
ماشاء الله طبيعة حلوة و هادية
الواحد محتاج يروح هالاماكن و يبتعد عن الازعاج
…………
اما على طاري الزعل لا تزعل ياخوي
مواضبعك تستاهل المرور
و السموحة ع التقصير بس الظروف ساعات تصير اقوى
و يكون تواجدي على النت قليل بس ابشر بالخير
و فالك طيب
تحياتي لك
انا اول مرة حد يدش مدونتي ويقرضني بهل طريييقة !!؟
_____________________
ههههههههههههههههههه تعود ياخويه اليايات أكثر ان شاء الله
_____________________
انت عارف اذا انا اشتغلت قرض شو بسوي فييييك !!؟
_____________________
لا مب عارف انت عارف ؟؟
**************
انا عارف والعارف لا يعرف ههههههههه
^_^ ورد
KelShia ef 9oab o Sh3rek ef 9oab e9ra7aH kekekkekekke
Walla M7taajeen le methel Hay ilSafrat
Thanks Saloom 3la 9wer il7elwa
: )
ابنة الاسلام
الحمدلله في دول اسلامية حلوة صراااحه ومستواها ومستوى الفنادق افضل من اوروبا
المالديف مثلا وماليزيا وموريشيوس
بس حتى الدول الي سرتيها حلوة
بس انا دوم اقول حلاة البلد اتكوون باهلها وهدا المهم
مشكوورة عمرورج بنت الاسلام وانشالله اتكون مشكلة المديرة انتهت
تحيااااتي
بنت الاجاويد
اكيد الواحد يحتاااج لفترة نقااهة من فترة لاخرى
واتغيير زين لول
لاتحاتين اختي والله معدورة تراني انا بعد مقصر في حقج وايد بس السالفة انج ماشالله كله تكتبين خواطر وانا ماعرف شو اكتب عنها ؟؟؟ لووووول
تحياتي
ورد
اهلا وسهلا
اصلا انا كنت متوقع ان هاي انتي لوول
بس احب اقولج اني افرح يوم حد يتحداني عشاني استمتع في قرضه وتعديبة
وانتي لعبتي بالنار لازم بتحترقييين لوووووووووول
عالعموم ورد والله استانست انج هني والله
ومثل ماقلتي عند العيايز كل شي يايز يا عيوووزة لول
تحياتي
DUBAI
تقرضين شعرييي؟؟؟
هدا وانتي مروة لو ماكنتي مروة شو بتسوين؟؟؟ لوووول
بعدين انتي توج راده من سويسرا بعد تبين اتسيرين؟؟؟ صج طماعه لول
مب منج من عمر 23 لوووول
تسلمييين دبي عالمرور لول
ههههههههههههههه انا عيوز يالشيبه
لو تعرف كم عمري جان ماقلت عيوز
وانت للي بديت تلعب بالنار مب انا
وقلت أتحداك مب مشكله طالما انا قدها وقدود
مترصدة لمواضيعك وردودك خخخخخخخخ
ورد ^_^
ورد
انتي شو راقده هني ولا شو سالفتج؟؟؟
لايكون عبالج المدونه غرفت نووم؟؟؟
بال ماوحالي اسوي ارسال الا حصلت ردج
شو انتي فارة مندسة بين المواضيع؟؟؟ لول
بس زين والله متابعه جيدة ومخلصة للمدونه لووووول
عالعموم انا الحين بالعين وساير دبي عقب شوي
ما بروم ارد عليج ادا كتبتي الا باااجر
بس نائبي احمد موجووود لول
يالله سي يا ورد ولا تنسين اتحطين ماي لعمرج دامج وردة عن تدبلين لووول
تحياتي
هيه راقدة هنيه شو عليك انت
لالالا غرفة جلوس ههههههههههه
لا مب فارة >>ذره
بخصوص الإخلاص يمكن مدة وبعدين خلاص هههههههههههه
ترجع بسلامه الأهلك ونتبه من اللادرات ترا إذا خلصت النقاط بياخذون عنك أليسن
لا تخاف ان شاء الله الورد ما بذبل طالما متمسك بكل شي ^^
فمان الله
ورد
السلام عليكم ورحمة الله وبركاته
الصراحه الصور اخباااااااااااااااااااااال اجنن وايد نايس عيبتني ودشت بخاطري صج هالمنطقه وان شاءالله ازورها لانها صج دخلت بخاطري وانا مشكله لو دخل بخاطري شئ لووول
مع تحياتي للجميع ولسالم واحمد *_^
Malaak UAE
ماشاء الله الصور حدها روعة
الله كيف ينفع هالمكان للي نفوسهم تعبانه من هموم الدنيا =)
تسلم عالصور برووو
ورد
شكله قرض البارحه ما ياااب نتيجه؟؟؟ لول
——————————————–
malak uae
والله يا ملاك انتي وايد سوالف تدخل بخاطرج لول
هو مكان واحد بتسيريله مب مائة مكااان لول
سلمي ع كتكوووته
————————————–
عيون الحب
مشكووورة عيون وتسلمين ع مروووورج
—————————————
انا بالغلط انمسحت مني كل الصور ؟؟؟؟؟؟؟؟؟؟؟؟ لول
السمووووحه لول
السلام عليكم ورحمة الله وبركاته
تعليقي ع الجزء الثاني لرحلة المالديف
الجزء الثاني أحلي بواااايد من الجزء الأول
بصراحه الجزيرة تهبل ^_^
ان شاء الله بتكون لي زياره لها في المستفبل القريب هههههههه
وربي يوفقك
:
:
لحظة غروب ^__^’
ما شالله الصور حلوووووة وما عليها كلام ،،،
كانها في الخيال من عالم ثاني ،،،انشالله اروح هالمكان
مع تحيات
الفجر البعيد
أأخي الفاضل.. سالم
االجزيرة قمة في الروعة، والطبيعة آية في الجمال ..
ا
سسأحاول أن انتهز الاجازة الصيفية القادمة لاسافر إليها، وحينها ستكون مشورتك هي الأهم قبل اتخاذ القرار
تحياتي،،
أخوك الباحث عن الحقيقة
أأخي الفاضل.. سالم
االجزيرة قمة في الروعة، والطبيعة آية في الجمال ..
ا
سسأحاول أن انتهز الاجازة الصيفية القادمة لاسافر إليها، وحينها ستكون مشورتك هي الأهم قبل اتخاذ القرار
تحياتي،،
أخوك الباحث عن الحقيقة
http://cid-2da4b5890ef14360.spaces.live.com/default.aspx
الصور رهيييييييييبه
اخيرا حطيت لنا صور مالديف =P
thx salo0m 3al9owar
ooo sorry lane eng6a3t 3an elmdawenah fatrah
bas enshallah bared 3ala emwa’9e3ek awal bawal
see ya ^_^
الباحث عن الحقيقة
كل سنة انا الي ااخذ مشورتك والحقك في السفرات بس هل مرة سبقتك لووول راح اكون سعيييييد في اني اخبرك عنها وعن الاشياء الي ممكن اتسويها عالجزيرة
تحياتي ع مرورك صديقي
Ward Jory
المثل يقول يا مطول الغيبات يبت الغنايم
تسلمين ورد ع مرورج الطيب ومشاركتج ويانا
تحياتي
السلام عليكم ورحمة الله وبركاته
صارت لي فترة وأنا أشوف الصور بس ما علقت عليها
حسيت اني عشت الأجواء وياكم .. الطبيعة ولا أروع وأكثر
شي جذبني أمممم أكيد الاكل اللي هو الأناناس مع الكيك والآيس كريم
يلااااااا يبالنا نسير ضربة وحدة جزر المالديف بس طبعا هذا كله على
حساااااااابك .. لووووووول أسولف وياك طبعا .. أهم شي انك استانست
في الرحلة .. ونحن في انتظار باقي مغامراتك الحلوة .. ومواضيعك الأحلى
بنوتة الاهلي
اول شي احب ابارك لكل الاهلاوية الفوز بكاس رئيس الدوله ،،،مع اني مب اهلاوي لول
واليوم انشالله فرقنا العين بيلعب ويا الاهلي
انشالله النصر يكون حليفنا لول
وعلى طاري شي جذبج هو كل شي فيها يجذب اصلا لوووول انشاالله اتسيرين هناك ،،، لا سوري ماباخذج عشاني ما برد اسير هناك ؟؟؟ لان قاعدتي اتقول البلد الي اسيرله مرة ،،،مارد اروحلها ؟؟؟ الا اذا الظروف لززمت لول تحبين حياج الله ويانا استراليا فالصيف لوووووول
وتسلمي بنوته ع مشاركتج ومعاناتج في هل مشاركه واصرارج عليها
الله يحفظج يا رب
سيي يا
This is really a nice blog,i always come here and read the articles