العمالة الوافدة والشغب في الدولة !؟
صراحة تفاجأت اليوم عندما قرأت في الجرائد عن خبر إضراب أمس بمنطقة الصجعة بالشارقة ما يقارب 1500 عامل تابعين لإحدى الشركات المتخصصة في أعمال الصيانة الكهربائية والصرف الصحي، حيث قاموا بأعمال تخريبية داخل مقر سكنهم الواقع في المنطقة أتلفوا فيها معظم الوثائق المكتبية وكسروا واجهات المبنى الزجاجية وأحرقوا الطابق السفلي من مبنى الإدارة.
كما أقدم العمال على إحراق عدد من السيارات والحافلات التابعة للشركة التي يعملون لديها، وتخريب البعض الآخر حيث بلغ عددها الإجمالي العشرات من السيارات والحافلات بين المحروقة كلية أو جزئيا.
لم نعتد على نفس هذه الاحداث في بلادنا الحبيبة، بس كنا انجوفها في الافلام وبالتحديد الهندية بس انه انجوفه عالواقع لا ؟
طبعا هالاجانب مايرومون يسووون هل اعمال فبلادهم لانهم ينضربون بالعصي
بس البلاد الي ااوتهم وعطتهم ويسترزقون منها لقمة عيشهم …مايهمه يحرقون يضربون ويكسرووون ، ترى اخرتها مردهم لبلادهم ؟؟؟ شو تفرق عندهم اذا حرقو شي او دمروا شي
وقبل فترة في دبي ضاربين ومكسرين مفتش حكومي يقوم بعملة كمفتش على المواقع؟؟ يعني هالحوادث بدت تتكرر كل مرة وتتزايد
مثل مايقول المثل
مااال عمك مايهمك
لاااازم لاااازم ينوضع حد لهل شي الي صار ولا ترى الموضوع راح يكبر وايد وبتنتشر نفس هل التصرفات في كل مكان عقب
واتمنى انهم يكونو عبرة لمن لا يعتبر
ولا تنسون ان النار تشتعل بشرارة !!؟
تحياتي
مرحبا سالم
ابصراحة ضايقتني على هذا الموضوع …شو هذا اللي قاعد يصير:(
لا زم ينحط حل لهذه الامور بسررعة والا مثل ما تفضلت راح تكبر وما راح
….ينقدر عليها
بس عندي سؤاااال لازم نسأل قبل لا نحكم على هاذي الفئة من العمالة لييييش؟؟؟؟ سوو تشي؟؟؟ يمكن الشركة ظالمتهم او ما تعطيهم رواتبهم والخ….
من هذا الظلم …انا ما ادافع عنهم بس ابي اشوف العملة من الجهتين مب بس من جهة وحدة
والســــــــــموحة
فراولة بالشكولاته
فراولة بالشوكولاته
مافي مشكلة رواتب الي صار انه تم زيادة رواتبهم قبل شهرين بس الجماعه يبون زيادة
نفس الي انجووفه فالافلام الهندية
الله يحفظ بلادنا بس من هل فئة
تحياتي
السلام عليك اخوي سالم انا احط راي مع الاخت الالي مشاركه اول وحده في المدونه
انا اتوقع انه هذيل الاجانب تعرضو لظلم كبير وهذا الشيء انا اتوقعه واكيد اذا الشرطه حققت في الموضووع بيبين كل شيء وبعدين يا اخوي سالم هذي الفئه من الناس والله انهم مساكين يتركون اهلهم وعيالهم بالسنوات عشان لقمت العيش طبعا انا ما ادافع صح الي سووه شيء غلط لكن انا على حسب علمي هذيل الناس يخافون من مراجعت الشرطه وما يعرفون القوانين ولا يعرفون كيف يتصرفون والشيء الاهم وهو السبب الرئيسي الجهل يلعب دور كبير في حياتهم وقلت المعرفه في التصرف في الازمات وانا من وجهت نضري انه هذي الفئه لا زم الواحد يسمع كلامها للاخر يجتمع فيهم وصدقني راح يطلعزن بنتيجه والله يعين الجميع وموضوع جميل
بوســــالم
السلام عليكم
الصراحه قهر شوهالحركات وين يالسين الله يهداهم انا الصراحه مستحييل ابرر موقعفهم لو شومااستوي الشئ الي سووه غلط بغلط وانا ماايده وانا اقول هذيل اصلا شكلهم من الفاه الي ماتنعطى ويه اصلا والدوله الي عطتهم اياه صج مايستاهلونه لانهم مب ويه خير ونعمه وله هااي حركه يسوونها يحرقون السييايير ويسوون هالفوضى بس هااي مب منهم من الي عطاهم ويه وخلاهم ييلسون ويترزقون بهالبلاد
مع تحياتي
Malaaak_UAE
بعدين بس كنت ابي اقول نقطه للاخ احمد انه الي يحصلونه اهني عشر اضعاف الي يحصلونه ببلادهم بس شوو اقول شوو نتريامنهم بعد مسوييلنا افلام هنديه متااثرين وايد شكلهم وعلى انهم تاركين اهلهم تراهم تاركينهم لانهم يايين يترزقون ووايد ناس شراتهم ماافيها شئ هذا رزق المفروض يحمدون ربهم الصراحه
جاان زين اكون شرطيه لااراويهم لووول
لالالا عيب عيب
مع تحياتي
Malaaak_UAE
مرحبا … بصراحه انا ما عندي تعليق ابدا عالموضوع لاني ما اعرف شو اقول
و ابي اجوف اراء الاخوة بالموضوع … على قولتهم و منكم نتعلم
اختكم
باربيوووه
من جد الواحد يقول
البيت بيت ابونا والقوم حاربونا
الى الخت العزيزه ملاك الامارات
كلامج فيه نوع من الاستهزاء للاخوان الاجانب بس انا احي اقولج صح انهم يكسبون فلوس اكثر من بلدهم بس ما سالتي عن حالتهم النفسيه الي هي اهم من المال وبعدين انحن يا اختي الحمد لله الله منعم علينه بنعم وايده بس الانسان يحط نفسه مكانهم شوي ويفكر هل الغربه ما تاثر على النفسيه هل المال اهم من النفسيه انا ابيج تتخيلين نفسج لمدة دقابق انج اخت واحد من هذيل العمال شو بيكون شعورج اذا كان اخوج مظلوم وما تشوفيته الى كل خمس سنوات وشكرا لج يا اختي
بــــو ســــالم
بوسالم
يا بوسالم صراحه لا اتفق معك فيما وذكرت واستسمح منك لذلك
ومالومك على التفكير بطريقه عاطفية ولكن حتى تكون في الصورة فان وزارة العمل قامت باعداد جدول قبل فترة عن راتب العمال ومميزاتهم في الامارات مقارنه مع العمال في الهند وتبين ان الفرق اضعااااف اضعااااف ما يحصلون عليه هناك والدليل ان حتى صاحب اليقاله الذي يعمل هنا يملك منزلا او محلا في بلده
وامر اااخر بالنسبة لهذه الحادثة فقد تمت زيادة رواتببهم قبا الشهرين كلا حسب خبرته ولا يدفعون مصروفات سكن او طعام ،،، كله موفر عن طريق الشركه يعني شو مصاريف عندهم ؟؟؟ اكل وسكن عندهم ورواتب حسب ما هي محدده من العمل والعمال ودائرة الاقفتصاد ،،،، يعني احلى منها مافي وجوف رواتبهم وبتعرف
بالنسبة لنفسيتهم وبعدهم عن اهلهم شو دخل هذا في انهم يحرقون السيارات او يكسرون المحلات في بلادنا ؟؟؟ تعرف مدى الخسارة الاقتصادية لمثل هل امور اضافه الى السمعه السيئة التي تنقل عن طريق وسائل الاعلام عن الدولة ؟؟؟
بالعكس انت بهل طريقه ما بتحس بالامان على نفسك او حتى على اهلم يوم تسير مكان او اهلك يسيرون مكان ؟؟؟ ما تعرف شو ممكن يتصرف نفس هل حثاااله ؟؟؟
والمثل يقوووول يا بو ساااالم
ياا غريييييب ،،،، خلك ادييييب
ومن طلع من دااااره ،،،، قل مقداااره
فالافضل انه يحترم نفسه
العاطفه مالها مكان هني بو سالم فكر بالعقل والمنطق
تحياتي
Malaak_UAE
اتفق وياج يا اخت ملاااااك في كل شي قلتيه
الله يحفظج
باربيووووه
زين نتعلم ونستفيد من الثانيين باربي لول احيانا انجوف من عيون غيرنا افضل من نجوف من عيونا لول
تحياتي
حلمي معي
روعه المثل
وخير الكلام ما قل ودل لوووول
مشكورة عمرورج سمنتووومه
مرااحب
بصراحه الموضوع غريب وخطير بنفس الوقت
بس انا برجع وبقوول نفس الكلام الي قالوه بوسالم و فروله
لانهم هالناس اكثر ناس يخافوون وماراح يسوون جي الى بعد ضغط اتعرضوو له وما اظن انه السبب الي قاله الاخ سالم(الروااتب)هو السبب الرئيسي..
ولاا تاخذ على كلام الجرايد بهالموضوع لانهم اكيد كتبوو رؤس اقلام من الموضوع
و شي طبيعي ماراح يوقفون بصف هالفقارا وبخلون الراس العوود مسؤول الشركه
شووياج ملووكه يالشريره >_<
مها كان هذيلا بشر
بس انا ما اقصد ادافع عنهم لانهم بالغوو بلي سووه واايد
ولكم كل الودَ
*&× كتكووته ×&*
يعطيك العافيه اخوي العزيز سالم انا انسان فيني ميزه يمكن اول مره اقولها انا احب اقعد مع الناس الي من الفئه هذي وحتى توصل فيني اني دائما اتغدى ولا اتعشى وياهم لو على الرصيف واعاملهم معاملة صديق والله يا سالم اتصدق انهم يسوون كل ربعي والله انهم واااااايد طيبين انا اتكلم لاني انا عاشرت الفئه هاي والله المستعان والله يعين الجميع كفيك يوم يقولك الواحد منهم اني انا ابي ازوج اختي عشان جي انا اشتغل
يا سالم صح انه هذيل الناس كل واحد فيهم عنده بيت في بلاده بس يا سالم بس يا اخوي شوف العمران الي في بلادنا اليوم مين الي سواه صح الفلوس لكن من الي اشتغل بيده المواطنين لا اهم هذي الفئه يشتغلون ليل ونهار واوفر تايم هاي الابراج الي عندنا والدنيا ودبي منو سواها صح الفلوس بس بيد منو وهذا اذا انت بتفكر فيها بعتبر والله جميل لنا صح انه بفلوس لكن الفلوس موكل شيء
اذا انحن يلسنا انحاسب هذيل الفقاره على رواتبهم واكلهم وين الزلمات عيل الي رافعين خشومهم وشوي بياكلك ومشكور يا اخوي وانحن منك نستفيد هذا في النهايه راي
يـــوسالم
اهليييييييييين
انا باك وبقوه بعد بس عسب ارد ع الي معارضين عن رمستي كتكوته والاخ احمد انا بس حابه اقولهم انه بعض المواضيع لو ماانكون فيها حساسيين وعاطفيين يكون احسن لانه اهم يوو بالقوه وانرد نحن لهم بالطبيه ؟؟؟!!!!
Kind and sensitive
الزايد ترا بعض الاحيان ينقلب ضدك
وكنت بقولكم انه لو اهم عايشين اهني ويتشغلون تراهم يالسين لانهم يعرفون انه العيشه اهني والشغل اهني احسن وافضل من بلادهم عسب جي يستحملون الغربه وكل الي يواجهونه ترا وايد ناس شراتهم وفي بلاد ثانيه ويتعاملون معامله الله لا يراوي العدوو حتى ونحن عارفين بلادنا واهلها انهم الحمدلله احسن من شعوب وبلدان ثانيه بمليون مره ولو شومااتعارضون انا ماابغير وجهة نظري لاني مقتنه فيها
I’m not strict or severe, but this the point of view
مع تحياتي للجميع
Malaaak_UAE
كتكووووته وبوسالم
قبل لانفكر فيهم
انفكر في الاماارات بلادنا وترابنا واهلنا وامنا وامن بلادنا
انا اشتغلت برع الاماارات ،،، جوفو كيف اتم معاملة العاملييين في دول برع بمن فيها اوربا والحياه الي هم فيها بعدين نحكم اذا كان معاهم حق ولا لا ؟؟؟
والامارات مقصد مهم لكل من فالعالم ليس الاسيوين فحسب حتى الاوربيين وذلك للامن الي غيها والخير وما ننسى طيبة اهلها المعروفه كل مكان،،، من حي يموتون ويدفعون بلاوي عسب يجون هني وما اعطي امثله لدول برع؟
الامارات اولا والباقي بعدين
وكل الاحترام لوجهات نظركم بس خلفية الانسان وتجاربه تلعب دوور كبير في كيفية نظرته وحكمه للامور
الهاطفه لها وقت والجدية والصرامه في وقت ؟ واعتقد الحين يا وقتها
تحياتي لكم
———————-
MALAK UAE
مشكورة عمرورج الثاني وبالتوفيق انشالله
تحياتي
اوووووووووووووووف
ويني انا ما دريت بهالسالفه
صدق انه مال عمك ما يهمك
بس شو كان سبب تدميرهم لكل شي؟؟؟
ابنة الاسلام
ماشي بس طالبو بزيادة لرواتبهم مع ان الشركه زادتهم من شهرين
وعيونلهم قائد للحملة؟؟؟ ويوم عصبو دمرو كل شي؟؟؟
مع العلم انهم قبل لايجون من بلادهم يوقعون على عقود وراتبكم يكون معروف ويوافقون عليه
بالاضافه ان السكن والاكل يكون موفر من الشركه
بس مثل ما قلت سووها فلم هندي؟ شكلهم كانو سهرانين عفلم ونشو وسو هل قصه كلها
ومشكورة عمرورج الاول يا ابنة الاسلام وانشالله بتكونلي ويارة قريبة لمدونتج
سلااامي