هل تقبل الزواج من بووية (2)؟
امس وانا اطالع في صور سفرتي الاخيرة للندن جفت صور لها ارتباط بالتدوينه السابقة وبالتحديد مع الشواذ؟
كنت انا وربعي راكبين لندن اااي ومانجوف الا اثنين شباب في العشرينيات من العمر ولكن في وضع مشين؟
طبعا هم واضحين في الصور تحت وكيف ماسكين يد بعض
طبعا كنا نحن حاطينهم تحت المجهر والمراقبة لول طبيعي لان منظر ماتعودنا انجوفه بين شابين؟ اوكي في اوروبا واحد ووحده كل شارع انجوف بس شواذ وعالملأ؟ اول مرة
انرد لموضوعنا السابق وشو استوى ويا ربيعي من حوار
هالموقف مب اول مرة ايصير بيني وبين حد من الشباب جفتها وايد وعاشرتها وايد
في نقطه وضحتها لربيعي وهي ان للاسف البويات اساس تحولهم لبويات يكون للاسف لاسباب جنسية وليس معتقد بانها شاب وبانها تشعر من داخلها ان الله خلقها واحد مب وحده؟
طبعا هذا كله عبارة عن مرض نفسي ومحتاج لعلاج ومتابعه للحاله واسبابها
وضحتله نقطه ، انا صراحه مالوم البنية انها استوت بووويه؟؟؟؟ لسبب طبعا، مافي حد فينا يخترب برضاه او يتصرف تصرف غير صحيح بمحض ارادته
في عدة اسباب ساعدتها انها اتصير جي نفس قلة الاهتمام والمتابعه من الاهل
الصدااقات من البنات السوء عسب جي الصحبة جدا شي مهم، ومب عيب ان الواحد يتدخل في اختيار الاصدقاء لابناءة لانه الاهل ينظرون للامور بنظرة تختلف عن الابناء ومستحيل يفكرون بضرهم
فبينتله ان هل بنيه اكييد الصحبة لعبت وياها دور او اتربت في بيئة كلها شباب
وفي النهاية تصرفات نتعلمها من البيئة الي حولنا…. نفس الي يتعلم الكذب او السرقه في البداية اتكون اسباب بس للاسف اتصير عقب عادة ومتعه في نفس الوقت
ذكرت له قصص واقعيه انا جفتها بنفسي لشباب ارتبطو ببويات؟؟؟ كثير منهم ما كملو الست شهور مع ان البنات اااااية في الجمال بس سبحان الله مثل مايقولون
البنت نفس المزهرية سواءا كانت حلوة او خسفه ، اول ماتييبها اتكون حلوة، عقب تستوي عادي وماتحس بوجودها، عسب جي الروح هي اهم شي في شخصية الانسان
وخبرته عن حالات استمرت في الزواج وعندهم عيال ومحد يعرف ان البنت هاي كانت بويه بس يحط في باله انه فرصة انها اتكون سوت علاقات مع شباب كبييرة، لان اصلا في معتقدها ان هل شي عادي وهي اصلا وحده من الشباب!!!؟ لوووول
المهم ربيعي سمع الكلام وسمع الامثله الي عطيته اياها طبعا ماروم اكتبهم هني
وقرر انه يتراجع عن الموضوع لان في نهاية كلامي له قتله ان هاي حياه واذا انت ماكنت مرتاح او مب متطمن ومتاكد من قرارك فلا تدمر نفسك واتدمر بنت الناس وياك
ومافي داعي انك ترمس عنها جدام حد استر عليها عسب ربي يستر عليك انشالله
والباب الي تيجي منه ريح سده واستريح
والحمدلله اخذ بالشور
واستسمح من اهلها والحين خطب وحده من اهله
قال عصفور فالايد اعرف عنه ولا عشرة عالشجرة ماعرف شو بلاويهم
(وجهة نظرة نحترمها)
مع اني افضل الزواج خارج نطاق العائلة
واشكركم على تفاعلكم الطيب للموضوع وهذا ان دل فانما يدل على مدى الوعي والادراك عند الكثير منا ومدى قدرتنا على اتخاذ القرار
واللي للاسف الكثير منا يفتقد لهالشي
تحياتي
