هل تقبل الزواج من بووية؟
اكيد كثير منكم يستغرب من هل عنوان؟ يقول شو يعني بوية؟ وكيف ممكن وحدة اتكون بوية؟
البووورية هي باللغة العامية، والمقصد منها الفتاة المسترجلة؟ او من الذين يتصرفون ويقومون باعمال نفس الشباب!!؟
قبل فترة اتصل بي احد اصدقائي الاعزاء جدا واخبرني بانه نوىالزواج اخيرا وقد بحث له اهله عن فتاة من عائلة طيبة وقد رآها وماشالله عليها جميلة …ولكن هنالك معضلة مثل مايقولون؟ لول
وهي انه علم من اخته بان هذه الفتاة قد كانت في فترة من الفترات بووويه ولا يعلمون اذا ما كانت بعدها او لا !؟ ولكن اغلب الضن لا؟
صراحه انا يلست اضحك من هل موقف وبعد نقاش عطيته جوابي؟ لان هل موقف مب اول مرة يتعرضله حد من ربعي واتدخل فيه
بس مب راح اقولكم شو كان جوابي ابي كل حد يفكر بينه وبين نفسه ويقول هل ممكن تتزوج من وحده كانت بووويه؟ او ترضين على اخووج انه ياخذ وحده كانت بوويه وممكن اتكون تابت؟؟
بعد ماجوف الردود بحط ردي الي عطيته اياه
ونفس الشي بالنسبة للبنت؟ يمكن يتقدملج واحد من الجنس الثالث ؟ او كانت له سوابق في هل امور؟؟
هل بتوافقين عليه؟؟؟
لا تستغربون واتقولون لا مستحييل يستوي جييي ….ترى هل فئة وايد كثرت الحييينه …ويمكن اي حد فينا يتعرضلها … وصدقوني وايدات تعرضولها …بس شو بتسوين؟
هل بتوافقين؟ اهلج بيوافقون؟ حتى لو قلنا تاب ؟؟؟ شو ردة الفعل مالج؟
اتمنى اني اجوف مشاركات طيبة في هل موضوع لانه حساس ومحد بيرد عليه من رايي الي يجوف الحياة من كل الجوانب …
الجانب الابيض والجانب الاسود ويعرف كيف يتخذ قرار ويواجه
واجوف ان من الافضل ان كل حد فينا يحط راية عسب يجوف اذا رايه صحيح ام غلط
وردي لربيعي بقولكم اياه بعدين
تحياتي
هلا والله سالم …شو هالموضوع الغريب…بس حلو..
انا عن نفسي مستحيل ارض بواحد كان من الجنس الثالث ..
لاني ما اضنم انه ما يرجع باي لحظة لعادته الاولية …
وسلامتكم
حلوة..ومُرة
بالنسبة لي أنا ما ارضي بالبنت البووويا يله يله البنت المفعمة بالأنوثة ومو قادرين عليها، فأنصح ربيعك بأن جاب خراب البيت والمستقبل لعمره والله يعينا على بنات حواء النورمال ( إن كيدهن عظيم)
سكانه مرته
هالظاهرة استوت منتشره بطريقه كبيره.. يعني الواحد استوى يتوقعها
فكل مكان.. بالنسبه لي لو خطبت لأخويه ، بخطب له البنت فحالة انها تابت
من هالشي اللي يخالف فطرتها، أما عني فما بوافق لشخص
حتى لو كان هالشي من الماضي
احم احم
مالنا خص
: )
لا لا ما أظن أوفق لو شنو
استغفرالله
خاصة او كانت او كان اهوا متعمد مو من صج فيه مشكلة ، لان لو فيه مشكلة ما يغير لبسه و شكله بالعكس تكون صج مشكلة و يمكن يتعقد منها ، و اغلب الي يأثر هالشي عليهم تلاقيهم عيارييييييييييييييييييين
يؤيؤيؤ
موضوع حساس ولكن أحسنت الأختيار سالم….
الصراحة مادري شو اقول…لو كانت الإبنية البووية تاائبة توبة صادقة ونادمة على حياتها السابقة ليش ما نعطيها فرصة؟؟!! بس مع الإنتباه انه البويات فيهم بعد مستويات ههه استغفر الله يعني البوية اللي رايحة فيها يعني البوية الناضجة واللي اختارت هالطريق وهي بكامل قواها العقلية وميولها لجنسها أكبر من ميولها للرجل هذه عاد ماعرف شو بيكون مصيرها الله يكون بعونها ويهديها اما البوية اللي كانت عليها شوية حركات للفت الإنتباه فقط فأعتقد انه لازم نسامحها لانه أكيد كانت تمر بفترة مراهقة او بفترة نقص …
أماااا الرجااال فبصراحة هنيه الموقف محرج وحساس اكثر…. وبصراحة انا شخصيا اخشى الإرتباط من شخص كانت له سوابق أنثوية !! يعني مييين بيضمن لي بعدين انه ما بيعييد الكررة..أو حتى أنه سليم معافاة بالكامل من هذا المرض؟؟…
الله يهدينا يهدي جميع المسلمين يارب…
شكرا سالم على الموضوع اللي فعلا يستحق النقاش لانه اي واحد مننا ممكن يتعرض لمثل هالموقف…
ــــــــــ
شاني
السلام عليك اخوي سالم موضوع مهم جدا وجيد الصراحه انا اتوقه انه هذا الامور اكثر شيء يمرون فيها المراهقات (والبنات الي يبون يجلبون الانتباه) لانه هذا الشيء يكون متعمد في وجهت نضري بس من يدشون ال 25 اعتقد انه الي تبي تتغير بتتغر اذا كانت تبي هذا الشي وهذي الفئه اخوي سالم انا متاكد بس في المدارس والي في السنتين الاولى من الكليه والله المستعان والله سبحانه وتعالى قال انا خلقناكم في احسن تقويم صدق الله العظيم
وهذا الشيء الصراحه اذا كانت تسوي البنت متعمده اكيد انه هي تشوف يمكن الراحه الي فيها الشباب من طلعات والبنت ما تقدر تكون مثلهم لكن ما اتمنى اني اتزوج وحده بهذي الطريقه الى اذا واحد بياخذ وحده يبيها توقف معاه وقفت رجال لووول وبالنسبه للجنس الثالث ما بقول الى الله يهديهم ويعينهم
لانه هذي الاشكال من الجنس الثالث انا والله افكر شو بيسوون يوم القيامه قدام رب العالمين سواء كانت بويه ولا جنس ثالث اتوقع انه هذيك الساعه كل واحد بيرجع لاصله
بو ســــــــــــــــــالــــــــم
حسبي الله عليك من ريال شهالموضوع صدمتني صدمه مب طبيعيه
اوووه سوري شحالك سالم
ياخي هالشي كثر بالبلاد البويات بكل مكان و صراحه ينخاف منهن
و حتى الجنس الثالث ياخي هالدنيا مالها امان و بعدين ابي اعرف الاهل وينهم عن عيالهم ما يجوفونهم يوم يسوون هالشي ترى هذا كل بيأثر عليهن عقب
اظني جفت ربيعك يوم يا يشور عليك شو اسوي مرتي بويه سابقا
انا عن نفسي لو يكون الانسان اللي بشاركه حياتي عنده تجربه في الجنس الثالث والله ما اخذه لو يكون راعي فلوس و مناصب و جمال و اسم …. حشا علي اضيع شبابي على واحد ما يسوى
الله يعينهم هييل كيف بيجابلون ربهم صج يوم امايه قالت القيامه قربت من هالمنكر
اقول سالم مب جني ما رديت اول وحده آخ يالقهر ما كنت ادري انك منول موضوع ياخي سولي مسج يوم نتزل موضوع يديد عسب اعلق اول وحده
اختك الامورة
باربيـ ـ الاماراتـ ـ
بو سالم… أنا من التقنية..
واشوف اشكال وأنواع الله لا يراويك…بس أاكد لك انه مافي شي اسمه سنة اولى ولا ثانية ولا ثالثة… متى ما استقرت القلوب وكان فيه انسجام وتوافق ههه بتدوم العلاقة حتى خمس سنوات أو باقي الحياة ههههه….
و بعدين ابدا ما كانت وقفة الحرمة وقفة رجال مع زوجها السبب في التخلي عن أنوثتها!!
إلا إذا ريلها الرقيق طلب منها مساعدات جسدية مثل فتح علبة البيبسي وهو يتعشى لول أو حمل الأشياء الثقيلة معه…فهنيه يحليلها لازم تروح تتدرب في الصالة ههه
ـــــــ
شاني
حلوة ومرة
يعني انتي من النوع الي يقول الماضي الاسود ممكن يلقي بضلاله مرة اخرى على حياة الانسان …والي يطيح مرة يطيييح مرة ثانية لووول
مممم مب في كل الحالات يعتمد على الشخصية والعشرة والاسباب والتغييرات الي صارت وهذا موضوع عود مافينا اندش فيه
يعطيج العافية حلوة
سكانه مرته
هههه والله ضحكتني اخوي واايد بس عقولتك النثى الكاامله ويالله ويالله كييف البووويه لول
بس مممممممممممم بقولك تفكيري وردي عقب ماجوف كل الردود
تحياتي
banootah
اتصدقين انج شريييرة !!!؟ لول
يعني اخووج عادي تخطبيله لو تابت … بس انتي لا ما تبينه حتى لو كان تااايب هههه
بسميج شرشبيييييل انا
احب لاخيك كما تحب لنفسك …انشالله اخوج مايجوف ردج عن يسوي شي لول
تحياتي بنوته وخطوة عزيزة
DUBAI
دام السالفه فيها احم احم ومالنا خص !!!؟
صراحه شككتيني فيييج يا دبي لووول لايكوون في سوابق لول
اسووولف
بس اذا فيج كحه شربي ستريبسيل عسب ما اتحن حنيين احم احم لول
تحياتي
ميّ
زين يعني انتي انضميتي لفئة الرافضيييين لول
وتقريبا ردج جريب من الاخت حلوة ومرة
زين بقولج شو رديت لربيعي وشو القصة الي صارت وياية عقب ما نسمع باجي الردوووود
تحياتي يا مبدعة التدويييين
شاني
عفوا اخت شاني وانا اعرف انه اي فينا ممكن يتعرضلها لاني جفت ناس تعرضولها وعاشوها ..
.
وحتى شباب ارتبطو ببويااات
وبنات ارتبطو بشباب جنس ثالث او كانت لهم سوابق ؟
بقولكم عقب شو صار وياهم
بس اهم شي كيف كان العرس انشالله حلو لول
بو سالم
صراحه ماصدق ان هذا انت الي تكتب ؟؟ انت متاكد انك انت ؟ مب ام سالم؟؟؟ لول
اول مرة كتابتك رزينه وواقعية ماشالله عليك
اعتقد الاخت ميرندااا ردت عليييك ووضحتلك وجهة النظر لول
بس اتريا للاخر عسب اتجوف شو صار وياية
باربي الامارات
صدمتج صدمه؟
سلاامات لايكووون تعورتي بس !!؟ لول
هيه ادري ما رديتي اول وحده لوووول انشاللله المرة الياية اتكونين الاولى ههه
ترااج النائب الثاني
تحياتي
الا تعورت بالقو بعد هع هع هع
اوووووووب نسيت انا نائب ثاني هع هع هع
النائب الثاني
باربيوووه
الحمدلله والشكر!!
كاني جيت يا سالم
وتراني اقرالك بس احيانا ما يكون عندي رد مناسب
فـ آثر الصمت
بالنسبة لموضوعك
بصراحة ماعرف شو ارد واقول عليه
احيانا الواحد مايعرف شو تكون ردة فعله إلا لو عاش الموقف
ويمكن احد يتقدملي اصلا ويكون من هالنوع وتاب وانا مادري عنه!!
بس صدق صدق ماعرف شو ردة فعلي بتكون
الموقف حيل حيل صعب
=)
ههههه مبدعة التدوين مرة وحدة
لا يا اخوي سالم انا الي قاعد اكتب مب ام سالم ولا احد لكن تعرف الخبره في الحياه تلعب دور ومنكم نستفيد وعساك على القوه
بوسالم
عيون الحب
خطوة عزيزة عيون والله واسعدني وجودج بعد طول الغيبه
بس ماعتقد ان مواضيعي صعبة لدرجة ان الواحد مايروم يرد عليها لول يمكن اتكون خارج اهتماماتج بس مب صعبة الرد لول
ترى هذا المغزى اني احط هالنوع من التساؤل من دون توضيح اي وجهة نظر ان الواحد منا يعيش موقف ممكن يتعرضله هو او اي حد عزيز عليه، مثل مايسمونه في علم الادارة
preventive action lool
فكري بينج وبين نفسج وجوفي شو بتسوين بس لازم تعرفين شو بتسوين، مب ضروري تكتبينه بس عالاقل في قلبج
سعدت لمرووورج رييماني
———————————-
ميّ
والله من الي قريته في مدونتج شي جمييل لان واضح ان كلامج كله من قلبج ، والي في قلبج منسوج بالواقع مب من عالم الخيال وهذا الي عيابني اكثر
والله استانست على مروووورج مرتين في تدوينه وحده لول
تحياتي يا مبدعة الكويت
—————————————-
بو سالم
الله يقويك لول
well .. firstly .. i liked ur blog wayed =)
وثاني شي .. موضوع حلو .. وايد .. أقصد يعني حساس ..
so
تشكر عليه أخوية سالم ..
همم .. يمكن يكون أسهل على الريال يتقبل إنه يتزوج بوية تابت على إن الوحدة تتزوج واحد إحم .. يعني .. هاك الشي ..
صح إن الله سبحانه وتعالى يغفر للإنسان .. لكن نحن ناس ونعيش في مجتمع .. يمكن البوية .. يوم تقرر إنها تصير بوية يكون هالشي في مجتمع البنات المغلق .. لكن الـجنس الثالث .. مشكلتهم إنهم يتمادون بالشي جدام مجتمع الرياييل .. وهالوسط مش مغلق بالعكس الكل يعرف الكل فيه وبذلك ينتشر عنه أكثر إنه مب ريال.. يعني هذا الــجنس الثالث يطلع بهيئته ويسير بها المولات .. وييلس إمبين الشباب .. ويرضى على نفسه إنه يسوي أشياء غلط جداً .. تمس رجولته .. إحم .. غير إنه يتفاخر بهالشي جدام الكل ..
البوية بشكل عام تستر على نفسها وهي تسوي هالشي .. ومش الكل يعرف باللي تسويه .. لأن في وايد أهالي ما يعرفون إنه بناتهم بويات .. تخيلوا؟؟
وعسب جذه يوم إتتوب وتتزوج .. وهالشي حصل وايد .. ممكن هالبوية تلتزم وتقدر هالشي وتتم ساترة على عمرها .. أما الـجنس الثالث .. حتى لو تاب .. بيتمون الكل يأشرون عليه على إنه جنس ثالث .. بغض النظر عن رجولته .. بعدين .. كيف ممكن تنجلب الرعونة إلى رجولة؟؟؟
يعني أنا مستحيل أرضى إني أتزوج جنس ثالث تايب .. مهما كانت الظروف .. لأن الوحدة لازم تفكر في نفسها .. ومستقبلها .. وأهلها .. وعيالها باجر ..
نقطة أخيرة أحب أوضحها .. أدري إني رمست وايد .. لو كنت أنا ريال .. ما بتزوج بوية .. مب لأني ما أؤمن بالتوبة .. ولكن .. في حديث للرسول .. بما معناه .. إن من حق الولد على أبيه 3 أشياء .. ومنها .. يختار أمه ذات الخلق والدين والأصل وغيره ..
وبسس ..
سمحولي ع الإطالة ..
الروح ..
الروح
مشكوورة على اطرائج الطيب لمدونتي البسيطة وهذا من طيب اصلج اختي الغالية
واعتقد وصفج لما تقوم بها البوية من تصرفات بالستر والشاذ بالعلن وضحتي فيييه امر جدا مهم ان الرجل الشاذ اكثر وقاحة منها هي
وبالنسبة للحديث الاخير عن الرسووول صراحة قمممممممه وايه في الجمال
عساااج عالقوة وكلامج جد جميييل
اتمنى انج ما تمنعينا من مشاركتج ووجودج الدايم لان الاراااء الايجابية اتساعدنا وايد ويمكن حد يقرا رايج ويستفيد منه والاجر يروووح لج انتي عقب وانتي مب عارفه
الله يباركلج في ميزان حسناتج لول
واشوفج على خير
تحياتي
يا اخوي نبي ردك في الموضوع على شان نستفيد منك ونعرف شو جديدك
بــــــــــــــــــو ســـــــــــــــــــــــالـــــــــــــم
اممممممممم يوم قلت اني بخطب له وحده بويه وتابت ، حطيت فبالي
انها بتمر فمرحلة الأمومة وأكيد هالشي بيغير فيها للأبد..
نو ويي ارتبط ف واحد من الجنس الثالث لو شو ماكان
ماتخيل اعيش مع واحد فيه انفصام فالشخصيه يعني الله خالقنه ريـال ويتصرف لي تصرفات بنات لااااا مستحيل
اتم عانس ولا ارتبط ف واحد جيه
هذا رايي ” واختلاف الراي لايفسد للود قضيه”والسموووحه
السلام عليكم,
لا تعليق أخوي العزيز, ولكن أعتقد كان من الأولى من ربيعك وأهل ربيعك أنهم يتحرون تحري كامل عن البنت قبل ما يخطبونها, ولكنهم خطبوا وبعدها عرفوا
حاليا هم في وضع حرج, يا يكملون مع الجماعه أو يكنسلون وكل حد يروح في طريقه وكان الله غفورا رحيما
التحري ثم التحري ثم التحري هذي هي نصيحتي لخويك, وهذي أول مصافحه لي في مدونتك الجميله
سهيل
بتكلم عن نفسي
مستحييييييييييييل
اتزوج من انسان من جنس الثالث
ولا ارضى لاخوي يتزوج من بويه
لان البويه هذه ضعيفه ومريضه من داخل
وهذا كله من اوله ولاخره من ضعف الايمان
كيف اتزوج من انسان ضعيف دينه
وخالف فطرته
ولا ارضى لاخوي يتزوج من بويه
lمرااااحب ^_^
ححبيت الموضوع بصراحة لانه في الفترة الأخيرة انتشروا واايد البويات سواء فالمدارس او الجامعات بس طبعا في درجات بعضهم الي مقتصر على لوك وفقط و بعضهم الله يستر وبعضهم لا لووك بس من تحت لتحت الله يستر عليهم , حبيت اقول انه البنية اذا دخلت هالطريق او الريال صعب نقول انه ما يرد لهالطريق الا في حال اذا تاب توبه نصوحة وو في حاله غيرها اذا كانت فترة مراهقة او لووك فالجامعة فليش لا اذا رب العباد يستر على عباده ويغفر الذنوب جميعا من نكون نحن وخير الخطاؤون التوابون طبعا اما اذا ما تاب هاذا شي ثاني , طبعا اعرف اثنين من البنات انهم اتزوجوا و بعدها تبوا فترة و ردوا على الرذيلة مع انهم متزوجات والعياذ بالله عكس البعض اتزوج و سبحان الله تغيروا 360 درجة فالنهاية الله اعلم بالنوايا و تسلم اخوي عالموضوع الحلو &_&
أختك “شوق الإمارات”
بــــوسالم
اسمحلي ياخوي عالتاخير بس والله ملتهي فالشغل بس انشالله اليوم ولا باجر بحط شو الي صار ويا الريال
———————————————
banootah
صح يمكن شعور الامومه يغير في الانسان ونفس الشي بالنسبة للرياليمكن شعور المسئوليه كزوج واب يغيره بعد؟؟؟ حظرت مرة عرس واستوت سالفه لواحد كان من هل فئة بقولج في البوست الياي شو صار ويااه؟؟؟ بس نظرتي انا مختلفة شوي عن هل شي من وقائع كثيرة
بس واضح من ردج بنوووته مدى طيبتج وحنانج في المشاعر
تحياتي
——————————————-
anynomus
وضحتي نقطه مهمه جدا في علم النفس وهس انفصام في الشخصية؟؟؟ وطبعل هذه يعتبر نوع من الامراض النفسية ويتم معالجته في المصحات النفسيه
فبالتالي هل اشخاص مريضين في علم الطب؟ فهل نعاقبهم على مرض يعانون منه؟؟؟؟
———————————-
سهيل
وانا يسعدني اخ سهيل اني امدي يدي لك واصافحك كاخ وصديق انشالله وشرفتني بمرورك الطيب
تعرف اخوي سهيل طريقة الزواج عندنا حرمه التكلم الثانية اتكلم الثالثة يسيرون يجوفون اذا عايتهم البنت والعايلة خطبو واتعرف الحريم الكبار مايعرفون هل اشياء
بقولك شو صار في البوست الياي اتمنى اني كنت واسطه خييير لربيعي لول
تحياتي سهيل
———————————————
حلمي معي
طبعا انا متاكد ان هل ظواهر مب منتشرة عندكم في السعوديه كثر ما هي اتفاقمت في باقي دول الخليج بس الله يبعدكم عن هل حالات والظاهر الي تسيئ للدين الاسلامي وللامة العربية
———————
شوق الامارات
مشكووورة على تواجدج الاول اختي الكريمة، بس موضوع التوبه شي ثاني ومثل ما قلتي ناس تابو وعرسو بس عقب العرس ردو للاسوا؟؟؟؟
تركيبة الشخص وطبعه وشخصيته تلعب دوووور كبييير في تحديد تصرفاته وافعاله في المستقبل
مرورج اسعدني شووووق واتمنى انها ماتكون الاخيرة
تحياتي لكل اخوااااني واصدقاااائي
مانعاقبهم بس انعالجهم ولا نهملهم وانقول بيتغيرون مع الايام
خلنا انكون صريحين اشوي ترا التربيه تلعب دور كبيييييييير ف شخصية الانسان او الفرد … والبويات ماعندهم اخوان؟؟؟ ما عندهم ابو ينصحهم واذا مافادت النصيحه ف انا انصح بالعقاب
لان هالشي يخالف طبيعتنا .. الله خلق ادم وحواء بسسس ماخلق بويات و… الله يعافينا يارب
الواحد قام يخاف ع عمره من هالزمن
السموووحه عالاطاله
Ward Jory
مسا الورد والاحساس والطيبه على الناس الطيبه شرواكم
هلا سالم شحالك..؟
ربك بخير وعافيه
وشو الدواام ويااك ^^ ان شاءالله مرتااح
:
:
الصراااحه الموضوع واايد وحلو ومهم وحبيت أشاركك فيه برآيي
ممممممم
الظاهره بدت تنتشر عدنا بشكل كبير وكل واحد يتحدى الثاني سواء من البنات ولا الشباب
في كل مكان تشوف هاي الحالات حتى المدارس والجامعات بعد ماكانت للعلم والتربيه صارت البنت تقول أنا بويه ومحد يتحداني ونفس الشي للشباب صاروا يتحدون بعض في هالسلوك الغير محبب والمحرم في مجتمعنا الاسلامي
لا بعد المشكله صارت كبيره انهم مصدقين عمارهم ويتزوجون..! البويه تاخذ بنت والجنس الثالث ياخذ شاب
استغفر اللهـ
ياترى هل هم مستوعبين اللي يسونه وفاهمين هالسلوك الغير محبذ في مجتمعنا
أشك انهم صاحيين الصراحه يبالهم طبيب نفسي هذيله ههههههه
بعد وين الأهل عنهم أبد مايلاحظون سلوك عيالهم لازم دوم يتابعونهم مع منو يظهرون ومنو ربعهم
والتربيه الصالحه تكون من الاب والام هم عماد الاسره ولهم دور كبير في سلوك الابناء وثقافتهم علميا ودينيا
والله يهدي اليميع ويستر عليهم يااارب
وأدري تفلسفت وايد خخخخخخخ
المهم مابطول وايد
وأنا عن نفسي مابوافق والله …الله يحفظنا منهم
لاني ماضمن انه يرجع لعاداته الجديمه بعد الزواج كل شي جايز في هالدنيا
وهذا رآيي والسموحهـ على الاطاله
وثاانكيووو أخوي على الموضوع ودومك متميز في الطرح
يزاك الله خير
والله يوفجك في حيآااتك
سي يااا
بااااي
فرااااااااولهـ
=)
Ward Jory
بالفعل اخت ورد التربية والنصيحة تلعب دور ومثل ماتفضلتي الي يحصل النصايح والتوعيه ويصر عالغلط فهذا يستحق العقاااب
اما من لا يملك احد امامه او خلفه فهذا حتى في الشرع والقانون مايتحاسب
تحياتي ورد وكلامج جد ورد
تحيااتي
—————————–
مرحيا فراوله شخبارج
ماحيد موسم فراوله احيين لول
وعلى طاري الزواج دشي يو تيوب وجوفي زواج البويات
حتى من فترة يايني عالايميل زواج بووويات؟؟؟ شو هل عااالم؟؟؟؟ شي غريييييب والله عفانا الله
واكيد التربية تلعب دور ومثل ما قال المثل لو كان رب البيت بالدف عازفا فشيمة اهل البيت الرقص والغناء
سلامي عليج فراولة ونورتينا بوجودج الحلو