ظواهر بدأت بالإنتشار
خلال الشهور السابقة لاحظت بعض التصرفات والأمور التي كنا من النادر نلاحظها أو نراها في مجتمعنا الإماراتي، المعروف بالكرم وطيب الأخلاق وعز النفس، لا ننسى أن الدولة متوجهة نحو أفق واسعة في مجال السياحة والتطور والدعم الاقتصادي من هذا الجانب، وعندما يأتي السياح ويرون بعض التصرفات الشاذة فلا يقولون إن هذه التصرفات رأيناها من بعض الأجانب بل يقولون هذه الأمور رأيناها في الإمارات …
أصبحت عندما أقف عند أي إشارة مرور أو موقف للسيارات أو حتى ادخل إلى بيت الراحة (الحمام) في المولات ألاحظ أن عمال النظافة يأتون ويتوددونويسلمون إليك وكأنهم عبيد وخدم عندك، يعني بطريقه غير مباشرة …بخششني؟؟؟ مره كنت راد من دبي الساعة 3 الصبح ..والإشارة حمرا ماجوف إلا عامل التنظيف ياي من ااخر الشارع ومر من جدامي ويسلم علي ويبتسم ويمشي حذالي ، مع أن في سيارات ثانية بس ماسلم إلا علي !!؟ ومرة واقف ويا واحد من ربعي ماجوف إلا الهندي يدور حولين السيارة وهو ينظف ويطالع صوبنا يعني عطوني !؟
هذا غير الي في المولات من تظهر من الحمام يعطيك الكلينكس واتحس وايهه متقطع من الاسى والالم !؟ ظاهرة ثانية انتشار وللأسف الصينيات من نساء الشوارع في كل مكان !؟ يعني تمشي اتجوف صينيه لابسة عباية وشيله اتحسبها مواطنه الأول ووراها مائة هندي ولا زلمة يتفقون وياها على السعر ؟ كم آخر … آخر كم؟
مرة وانا بالكوفي اجوف اثيوبيه تمشي، يات سيارة فيها شباب مواطنين قالها 100 درهم ركبت السيارة وسارت وياهم!؟
طبعا في وايد أسباب لهل الظواهر بس أنا أقول إن الغلاء إلي صاير في البلد احد هل أسباب، الهندي أو الباكستاني إذا مب محتاج ما بيتصرف بهل طريقة المذله …ممكن حد يستغل حاجتهم في أمور غلط !؟ لأنه امبين أنهم محتاجين للبيزات ؟ فعادي يتم استغلالهم مقابل المال؟ وخاصة اذا هل شي صار باين للكل؟ سالفة نساء الشوارع وبالتحديد الصينيات حاليا …يات فترة كنا انجوف مصريات وبعدها مغربيات واحينه صينيات واثيوبيات بس بشكل عيني عيينك !!؟ ؟ طبعا معظم الوافدين سفروا عيالهم وحريمهم لغلاء المعيشة إللي صايرة واللي ياي جدام مايبشر بخير … بالتالي نفس هالظواهر راح تنتشر في بلاد متفتحه للجميع، أنا أخاف أن يجي يوم الواحد منا يخاف يخلي أهله يظهرون برواحهم او حتى يكون وياهم، عن يجي هندي صوبهم يتشحت وتصبح عاده عند الكل وتعدي في بعض الامور، او توصل فترة الواحد ما بيعرف يفرق بين المحترمة من غير المحترمة أو يحس بالأمان في مثل هالأجواء الي دامها بدت !؟ ما بتهدى على خير؟ تحياتي
Posted by
at
11:28:03
صباح الخير سالم شحالك
ادري داشه اعلق مبجر من الصبح بس شو اسوي دوامي تغير هالسمستر خلوني صباحي اهئ اهئ اهئ يحليلي اكرف من الخاطر لوووول
بالنسبه لموضوعك
اجوف ان هاي الظاهرة صج منتشرة بالامارات بس شو نسوي
المفروض الحكومه تراعي الشعب شوي بغلاء لان بصراحه مصخوها كل شي صار غالي
و الله ياخذهم الصينيات و غيرهم ناشرين الفساد بالدوله و بعد الامراض
انا مرة سمعت بالاف ام حرمه مواطنه تتشكى عن غلا المعيشه والله كسرت خاطري بالقو لان عندها بنت بالجامعه و الجامعه يباها مصاريف تقول من وين اييب مصاريف الجامعه عسب جي طلعتها من الجامعه لانها ما تروم تتحمل مصاريف الجامعه
هييل المواطنين اهل الشعب فما بالك بالوافدين اذا المواطنين يشتكون عيل شو تتوع من الوافدين
شو تقدر تقول غير الله يسهل علينا
ادري طولت و غثيتك يللا سلملم
اختكـ الامورة
باربيـ ـ ـ الاماراتـ ـ ـ
باربي الامارات
صبااح الخييرات والمسرااات والخياارات والجزراااات
شخبارج باربي؟
والله اني كنت حاس انج اول شخص بيرد على موضوعي لووول و حدسي كالعاده مايخييييب لول
شخبارج؟
والله يمكن انتو البنات ماتلاحظون وايد بس نحن نظهر وانسير واجوووف ترى المشكله الصغيييرة الحييين بتستوي كبيييرة
ومثل ما قلت لازم انوقفها الحييين وما نتريا لين ما تتفاقم وتكبر وعقبها ما ينفع الصوت
صدقيني باربي كثير من الوافدين وضعهم احسن من المواطنين وجوفي السيارات في الشوارع من راكبها وبتعرفين لول واذا كان موااطن راكب سيارة فاااخرة ففوقه مائة ديييين وهم عكسهم هم بالكاااااااااااش لول
بس انا مابي بلادنا تستوي شرات بعض الدول الوربية او حتى ماحس بالامان يوم اهلي يسيرون برع …هذا من اهم المور
وبالعكس باربي والله وجودج يسعدني وابدا لاتغثيني ولا شي
بس ما قلتيلي ليش انتي باربي ليش مب فلة ؟ لووووول
تحياتي
انا بخير شحالك انت
جفت من كثر ما احب المدونه اول شي ابطله هي مدونتك واضايق وايد يوم ما احصل شي يديد ياخي نزل كل يوم يديد
ادري اني ما اغثك و لا شي
بالنسه لأسمي اروم استويلك باربي و فله و سنوايت بعد شو تبى انت ؟؟؟
اختكـ ـ الامورة
باربيـ ـ ـ الاماراتـ ـ ـ
باربي الامارات
الله يديم هالمحبة انشالله لمدونتي ويكثرون زوارها لول
عالعموم انا انشالله الشهر الياي باخذلي موقع من اتصالات وبيكون اللوك احسن من جي بوااايد …مال بلاش ماله طعم لول
صعب كل يوم انزل شي يدي بسبة الوقت بس انشالله مثل ما انتي شايفة رديت اكتب احسن عن قبل بس اهم شي استمراريتكم ودعمكم لول
لا لا لا خليييج باربي احسن …عشان اذا علي بخليج تستويين باارني واتغنين غنية ويي اار هابي فااميلي لوووول
تحياتي
بداية شكراَ على الموضوع الجريئ بس هالي حاصل..الشمس ما تغطى بالمنخل!!
أنا محد كسر خاطري غير العمال يعني أنا براي هالفئة مظلومة، يكدون من الصبح لين المسا وما معاشاتهم ما توصل فوق 500! هالخمس ميه شو اتيب بهالوقت انتوا شايفيين الأسعار في كل اتزيد…الله يعينهم
أمـــا عن سالفة العاهرات شو ما كان جنستهم ..هاييل يبالهم تسفير على طول ما ون تو..يعني بسبتهن شبابنا رايحيين فيها ..أمراض ..خراب ابيوت وغيرها من من مشاكل هم سببهم ..الله يبعد شبابنا عن بنات الحرام ويهديهم.
بنهاية في 100 طريقة وطريقة كيف الواحد يكسب البيزات وكل واحد وظميره..
سالم لا تستهبل عالنك مالي
هيه والله يكون احسن خذلك موقع منتدى و سميه سالم الامارات
جفت المصالح لوووووووووووووووووول
عاد لا تنساني خليني يا مشرفه يا مراقبه او نائب المدير
اختكـ ـ اللي طفرتكـ ـ اليومـ ـ
باربيـ ـ الاماراتـ ـ
Anonymous
مرحبا اخي او اختي مادري شو جنسك لول
عجبني مثل المنخل والشمس واتفق وياك من ناحية رواتب هل عمال وهني المشكله ان بالامكان استغلال حاجتهم في اشياء غلط !؟
وياك في موضوع تسفيرهم لان هذا افضل حل وتوعية الشباب والبيئة الي نحن فيها يعتبر من اهم الاشياء بعد
وكلامك الاخييير صحييح من ناحية طرق كسب الاموال
اتمنى اتعرفنا بنفسك ومشكور على مشاركتك
تحياتي
باربي الامارات
انا ماستهبل بس اضحك في فرق لول
وسالفة نائب المدير للموقع عندي اخوووي احمد هو حاليا شاغل هل منصب وفي حال تفنييشة او استقالته ااكدلج اني راح انظر فالامر لول
قتلج وجودج يسعدني لاتحاتين باارني سوري قصدي بااربييي لووووول
ما يخصني انا ابي اكون نائب لان اخوك احمد ما يداوم عالمدونه شراتي من صباح الله خير تتصبح بي
فكر بالموضوع فنشه احسلك خخخخخخخخ
اختك
باربيـ ـ ـ الاماراتـ ـ ـ مب بارني
مرحبا اخوي العزيز سالم الصراحه انا اشوف انه المدونه لو يكون اسمها باربي الامارات احسن لانه ماشاء الله متواصله اكثر من اصحاب الحلال بس احب اقول للاخ سالم ســــمالكـــــي بهاي والله المستعان بالنسبه لموضوع الغلاء الكلام ما يسوي شيءتعبنى يعطيج العافيه يا اخت باربي على التواصل ووجودج يسعدنا وايد وارائج حلوه كثير والى الامام احب انكم اتباركولي على السياره اليديده الاستيشن 2008
بوسالم البريكي
بو سالم البريكي
مبرروك السيااارة والله يعطيك خيرها ويكفيك شرها وزين انك خذتها عشاني عقب اسبوع مسافر فراح اسافر فيها انشالله
والاخت باربي احتمال يتم تعيينها كنائبة ثانية للمدونه بعدك طبعا وهذا لكثرة انشغالاتي وطبعا عدم تواجدك الكافي في المدونه
ويا ريت يا احمد لو اتلف بسيارتك على عمال النظافة وتعرف شو سبب نظام الشحاته الجديد هذا وكم يجمعو فاليوم عسب اتسوي تقرير وتعرفه لي للاطلاع والمناقشة
يمكن انشاركهم اذا في منه فايده ههه
تحياتي
اانا يمكن مالي موقع هنا بالتعليق
لاني من السعوديه
بس الظواهر الي تحكي عنها
قد تسيء لسمعة البلد
وخاصه انها ما طلعت هذه التصرفات من اهل الامارات بل من الاجانب
وهذا الي يقهر في الموضوع
لازم يوضع حد لهذه الظاهره
لان الامارات بلد متطوره
وحرام هذه الاشكال تخرب سمعتها
تقبل مروري
حلمي معي
اخواني الاعزاء
فكرو بموضوع تغيير اسم المنتدى الي باربي الامارات
مبروووووووووووك احمد عالستيشن اليديده
بس ما اظني انه حلوة لانها مب حقي لووووووووووووووول
و سالفه النائبه الثانيه شي طيب المهم يكون لي منصب
ياخي اول مرة احس اني شي خخخخخخخ
اختكم الامورة
باربيـ ـ ـ الاماراتـ ـ ـ
مسا الغلا وكلمة هلا
السلام عليكم والرحمه
هلا أخوي سالم شحالك..؟
ربك الا بخير
بصرااحه الموضوع مميز وحلو وفعلا هالظواهر منتشرة عندنا بشكل كبير
وكل الجنسيات بأشكالها وألوانها تقلد المواطنيين في لبسهم سوا البنات ولا الشباب
وايد شفت الاجانب لابسين عبايه وشيله شراتنا ونفس الشي ماقمت اميز بين المواطنه والاجنبة !
أذكر مره رحت مول وخطفوا حذالنا شلة بنات شفتهم من بعيد تحريتهم مواطنات يوم قربوا صوبي اشوفهم يرمسون هندي انصدمت الصراحه منهم مقلدين المواطنات في كل شي حتى الميك كيب وطريقة الشعر
ممممممممم
والحين اذا الشباب شافوا اي تصرف من بنت فالمول يحط في باله انها مواطنه وياخذ فكره عنها
……………..
وعن الصينيات محد مخرب شبابنا غيرهم هم أساس ضياع الشباب
الله يحفظ عيال داري من هالاشكال ويبعدهم عن الحلال ماوراهم غير البلاوي والامراض
اللهم آآآمييين
والله يهديم ويصلح بالهم ان شاءالله
…………….
وعن غلاء الاسعار الصرااحه وايد مبالغين فيها
كل شي صار غالي حتى الخبز اللي كان لقمة عيش للعوايل اللي حالتهم المعيشيه صعبه المفروض يحطون حد للتجار يعني اذا نحن نقدر نعيش شي وايد غيرنا محتاجين للدرهم يعني حرام الصراحه مايفكرون الا بأنفسهم شي وايد مواطنين محتاجين والفلوس اللي عندهم مايكفيهم على شو بلاحقون ولا شو وكل شي صار غالي ..!
الله يعينهم ويساعدهم يااارب
والسموحه على الاطاله
وألف شكر لك أخوي على الموضوع الغاوي والمهم
وأحسنت الطرح
ربي يوفجك في حياتك العلميه والعمليه
وتستاهل كل خير
سي يا
Bye
=)
فرااااااااااوله ^^
15
ليش جيه يشحتووون…
رد
أنا قلت احينه الناس راده وشاده حيلها.اتاري الردود هنيه باربية وسالمية فقط لوووووووول
باربي ترا سالم قصد بفلة هذيج أم عباية في سبيس تووون لانه موضة باربي خلصت لوول…
ورايي من راي نائب الموقع سالم… (سمالكي بهاي) …. وبالنسبة لسالفة الشحت والتشحيت لول…تصدق سالم اني وايد مريت بهالمواقف بس ما فهمت إلا اليوم شو سالفة اللي يفتحلك الباب واللي تنظفلك وتمسحلك المكان اللي بتيلس عليه واللي يبتسم لك ذيك الإبتسامة العريضة ^_________^ واللي يسلم عليك بصوت عالي برغم انه مب مسلم لووووووول آها آها احيينه فهمت شالسالفة وانا عبالي الدنيا طيبة وايد ومصدقتنهم..بس يحليلهم أكيد بعدما روحت عنهم سبوني لاني ما عطيتهم شي هههههه لاني ما فهمت حركاتهم القرعة أصلا ككككك
زين ليش ما ييون مباشر ويقولون مثلا ماما محتاج يمكن افهم شوي هههههههه
تصدق قبل يومين في السوق نازلة من السيارة ومشيت خطوتين أنا واختي إلا اشوف ريال شيبة شكله مواطن من اللبس والرمسة قلت في نفسي ليكون بعد ياي يغازل هذا!!.. بس قطعلي قلبي يوم قال محتاج يا بنتي!!!!! استغربت فعلا…وعلى طول سألته انت مواطن ابوي؟؟ قاللي لا…بس شكله يمني كان الله اعلم…حرام والله
شكرا سالم على الموضوع الحييلو..تاابع وحان أن نرى لك مدونة رسمية يلااا..
بعدين تعالو شو سالفة النائب ما النائب ؟..مي زندا هون مري ني
ــــ
شنشن
ادلع عمري كيفي
حلمي معي
مشكوور على مرورك الكريم اخي الفاضل وبالعكس المكان كله لك وانت بين اهلك واخوانك والي يمس الامارات يمس السعودية والعكس صحيح
المشكله اخي الكريم ان نفس هاي الضواهر مادري كيف بيكون تاثيرها خصوصا على المدى الطويل
اخاف يجي يوم نفقد فيه هويتنا ومبادئنا التي تربينا عليها
اتمنى تواجدك الدائم اخي حلم
فراوله
مثل ماتفضلتي اذا نحن اهل البلاد مب رايمين نفرق كيف نتوقع من الاجانب انهم يعرفون الفرق؟
اذا الحين توصلنا افلام بلوتوث لبنات يرقصون مكتوب عليه اماراتيات يوم انجوف انحصلهم مغربيات ؟؟؟؟؟ وغيره من الامثله
الله يوفقج ويسهل عليج دربج انشالله وتستاهلين كل خير
تحياتي
شاني
تراني قلت هل امور مانعالجها بالطمس انجوف سبب هل نوع من الظاهر وانحاول انحلها عن طريق تعديل الاسعار او الحد من الارتفاعات والتحكم بعدد الاجانب القادمين واعمالهم ومناطق اقامتهم وغييره من الامور الاخرى
تحياتي
مرحبا سالم …انشالله بخير
الومضوع واايد حلو ..بس ابصراحة يضايق ..
لانك مثل ما قلت احنا نعاني من جهتين الغلا والسمعة الشينة اللي تتكون عن بناتنا ..
والسبب الصينيات والفلبينيات وبقية الجنسيات الاخرى..
وبالنسبة للشحاتين ..الحل وااايد سهل ..اننا ما نعطيهم ..لانه الموضوع بيكبر اذا عطيناهم مرة بيتعودون انه كل واحد يعطيهم ..واذا اتعودو وبعدين ما عطيناهم …راح ما يأدون شغلهم بضمير
والحل بالنسبة للغلا ..انه الكل يتكاتف ..انا قرأت انه في السعودية سوو مظاهرة على الغلا اللي صاير في الحليب وقاطعوه …
وبعدين عندي سؤاااااااااااااال… وين جمعية حماية المستهلك؟؟؟؟؟
وهذا رأي الشخصي والسموحة على الاطالة
مع تحيات…………….حلوة ومُرة
حلوة ومرة
سلام عليكم حلوة وين هل غيبة ؟
والله كلامج عين العقل والي قلتيه من ناحية مقاطعه البظايع للاسف صعبة انسويهل في الامارات ؟؟؟ قولي ليش؟
سيري الجمعية ولا كارفور ،،، الوافدين اكثر منا وكل حد جنسيته غير ووضعه المادي غير فكيف تبينكل هل جنسيات تتفق على شي واحد مثل المقاطعه؟؟؟ والله صعبه
في السعوديه الوضع مختلف اكثر الناس اهل البلد سعودييين فبالتالي يرومون يتفاهمون ويقاطعون كجماعه وهذا الي يفرقنا عنهم؟؟؟
كلامج جميل يا حلوة ، الله يوفقج
لا تقطعينا
اي والله الوضع صار يخرع !
يعورووووووون القلب العمالة الوافدين صراحة و اذا احنا كل شي صار علينا غالي ّ شلون اهما
لا حول و لا قوة الا بالله و الله يهدي التجار و يردهم للرشد ان شالله يارب
شكرا لمشاركتك ايانا مشاعرك الطيبة و عسى ربي يفرج هموم المسلمين
اخ سالم
انا حلمي معي
سمنتومه
فتاة .بنت .حرمه
حمدالله عالسلامه سالم سمعنا انك تعبان وودوك المستشفى عساك ماتجوف شر
اهتم بروحك يا ريـــال اكثر مب مهمل صحتك
اليوم كنت مع الحرمه عند الجمعية ماشفت الا هندي النظافة يا عدال السيارة
اتذكرت مقالك
سرت ونزلت الدريشه وقلت حق الحرمه شوفي شو بيسوي
سبحان الله مثل ما قلت
يا عدال الجامه ويقول السلام عليكم وما خلا وصاخة عدال السيارة الا وشلها
والمشكله اني ما كنت شايف قاذورات مادري شو تم ينظف
تميت اظحك وذكرتك بالخير
اهتم بروحك وخف على نفسك شويه ,,,,,,,,, بوراشد
ميّ
مرحبا اختي مي والله استانست بوجودج ويايه بوجود وهلا فيج واهل الكويت الغالين كلكم
سبحان الله زمان كنا نسمع من الشيااب يقولون ان الفلوووس وصخ الدنيا، بس احيينه مانسمع بس الي انجوفه انها راحة الدنيا …ناس تشحت وتتود وتحترم ناس عشان فلوووس ونااس تبيع ناس عشان الفلوس ؟
الحمدلله ان الارزاق على الله ولا كان كلنا بعض مب بس رفعنا الاسعار
وبني اادم ما يملي عيينه الا التراب …للاسف ما عاد في قناعه عندنا من اي شي ؟
تحياتي مي واتمنى وجودج الدايم والله
الله يحفظج
حلمي معي
انا اااااسف لوووول
بس والله حسبتج واحد يمكن من التعب ما رمت الاحظ …والسمووحة منج الغالية …بس الي تكتبينه واتسوينه في مدونتج يسوى مائة ريال يا اختي …الله يوفقج
بوراشد
ماشالله استويت من متابعيني بو راشد لول ماحيدك كنت تحدر المدونه قبل لول
عالعموم هالاشياء بتشوفها وايد بس مثل ما قالت الاخت حلوة ومرة لازم نلبسهم ومانعبر هل اشكال والصينيات وغيرهم من الجنسيات لازم الجهات المختصة تاخذ اجراءات تشديدية اكثر
ولاتحاتي صحتي طيبه ومافيني شي يالطيب
تسلم على مرورك ولا تقطعنى
اشوفك على خير
المشاكس
عفوا الاخ زباالة لاني حذفت ردك …لان مستوى هل مدونه والي فيها اعلى منك
سير جوفلك زبااله تلعب فيها يا جزمة
ماشالله اخ سالم موضوع جميل واجوف مواضيعك قامت تحلو
انا صراحة عندنا سيارتين عند بيتنا وحده سوده ووحده بيضة!؟
وكل يوم الصبح يوم اظهر احصلهم ينظفون السيارات وواقفين طابور ويوزعون ابتسمامات ويدعولي بالتوفيق في يومي ههههههه ويتريون اطلع الي بمخباتي فاعطيهم خمسه يتقاسمونها كلهم لول المشكله ان السيارات مايكون عدالها قاذوورات استويت احينه اخليهم ينظفون السياراات من داااخل خصوصا السووووده عسب ماسير المغسلة لووول
افكر اسوي فلم هندي بعد من كثرهم وانا عاشقه لكتابة الروايات والقصص يمكن استوي مخرجه نااجحه ههه
موضوع جميل واتمنى انك تستمر بومواضيعك الشيقه هااااي
مـــــــهـــاري
السلام عليك مدير
أخوي عن نفسي من أشوف عمال البلدية ما أقصر وياهم
بس ما شفتهم يوم يتلصقون
الا من نفسي أسير عندهم
هايل مب متسولين ..المتسولين اللي يلبسون ملابسنا الوطنية
و يطلعون لك ورقة من مخابيهم
اللي ما يروم يمشي و يبى بيزات
و اللي مسوي حادث و يبى يتعالج
قصص ألف ليلة و ليلة
: )
لكن آخر فقرة ..يباله بوست خاص
عفان الله من هالأشكال بس
!!
مــــــــــــــــهـــاري
هلا مهااري والله طولتي الغيبه وزين مواضيعي قامت تعجبج بس بعد مابنفتك من تعليقاتج لول
غريبه انه عمال البلديه مايتحصلون الا عندكم شو بيتكم مكب نفااايات ؟؟؟ لول
وماشالله سيارتين بيضه وسوده؟ شو وحده صوره والثانية نيقاتيف لول
وسالفة الفلم الي بتسوينه صراحه اذا بيكون بطولتج وعندج موهبه في التمثييييل والصياح فاعتقد انج راح اتكونين ممثله ومخرجه ناجحه بس الله الله فالقصص والروايات نبي شي يديد هاااه و لا تنسين تلبسين الساري هههههه
تحياتي
DUBAI
هايييل عمال النظافه مال دبي غير عن عمال بوظبي عندكم الظاهر رااهين لول هو الهنود عندكم بشكل عااام راهييين ومرتاااحين ولله الحمد لول
بس موضوع الي يلبسون اللبس الوطني ويتشحتون هاييله يبالهم موضوع ثاني وشرح لوضعهم ومن وين هم يايييييين بالضبط
بس هاييله منتشرين في دبي اكثر من بوظبي وعشان مثل حالات اتسوى رقم مجاني للقبض عليهم حتى يقولج الي يزخهم من الشرطه يحصل على مكافاه لول
بالنسبة للفقرة الثانية موضوع عووود وانشالله جدام بكتب عنه لول وعندي ارقاام واحصااءاات !!!؟ هههههههه
تحياتي
يعني مب ناوي تنزل موضوع
ولا شو
اترياكم ولا ترى يا سالم المدونه تنقلب باسمي
لوووووووول
اختك الامورة
باربيـ ـ ـ الاماراتـ ـ ـ
باربي الامارات
امبلا ناوي والله بس ما فضيت ابدا وبيزي صرااحه
انشالله اليوم عقب مباراة العين والشباب وفوز العين انشالله بكتب لول
بس الموضوع لازم ياخذ وقته تقريبا 5 ايام عسب اكتب عقبه واعطي اكبر فرصه للمشاركات
ترى هاي مدونه خاصة مب جريده كل يوم موضوع يديد لول
تحياتي
الاخ سالم يلى انشاء الله عقبال ماتكون عندك جريده بس انا احس انه الاب توب الي عندي بس عشان هاي المدونه نحن بنتضار الموضوع الجديد
بوسالم