في حب في القلب انكسر
اصدقائي الاعزاء
في البداية اود ان اعتذر لكل من يهمه سالم واتريا تدويناتي ولو ان الكثير انتقدوني على مواضيعي الاخيرة
بس والله انا تعبااااااااااااااااااااااااااااااااااااااان من العمل ومن البييييت ومن كل شي حولي
وين ما اسير احصل مشكلة
مب مرتاااح متضاااايج
راسي مايوقف عن التفكير في كل شي حولي
احس بالم بقلبي وتعب مب طبيعي
احس اني ضعيف
احس بوحده مادري ليش؟ عندي اهلي عندي عيالي عندي ربعي عندي خير بس بعد حاس بوحده
احس ان كل شي فيني مكسور
عقلي وجسمي وقلبي وروحي
كل شي
تعبت كل ماجوف حوليني حد ،،، احسه يجامل او يكذب لمصلحة او غرض في قلبه
خياانااات خياااناات في كل شي
يصدف اجوف ناس يتعاملون وياي بطريقة حلوة واستغرب معقوله ناس طيبين لهل درجة لكن سرعان ما اكتشف ان في مصلحة او غرض في نفس يعقوب مثل مايقولون
ابتعدت وانعزلت عن الكل
مافي حد حولي، سكرت تلفوناتي ، مارمس حد، اتم برووحي معظم الوقت واحاول اشغل عمري بالشغل ليييييين ما اتعب اتعب اتعب ماروم ابطل عيوني
انا ماسمع اغاني وايد بس كنت مره في الحلاق وسمعت غنيه للفنان وائل كفوري، صراحة غنية من اجمل واروع ما سمعت وحبيت اشارككم فيها ،
صحيح يمكن ماتكون غنيه ربشة او تمس حد… بس من الي اجوووفه في هل دنيا عايبتني
واحب اهديها
للارض والمطر
لليل والسهر
للنغم والوتر
للشمس والقمر
للجرح الي تارك اثر
وللحب الي في القلب انكسر
http://melody4arab.com/player/player_8265.htm
وهل غنيه للي
لييله صار نهار
والي عنده انطفى المشوار
ولكل من احترق بنار
وكل من في يوم غار
لكل من ودع اخباار
ولكل غدااااار
http://melody4arab.com/player/player_8269.htm
تحياتي
تسلم اخوي سالم ويعطيك العافية وماتجوف شر
امبين عليك انسان طيب وحساس من جي تتاثر من هل نوع من الامور
ولا تضغط روجك لان كثر الضغط يولد الانفجار
حاول اتغير في نمط حياتك وتبتكر اشيلء يديدة وتعرف ناس يدد ممكن يغيرون اشياء وايد فيي حياتك
اهلك لازم يفهمون وضعك ونفسيتك ويوقفون وياك ويخففون عنك الضغط
وانشالله بتستوي احسن وبترد تكتب احسن عن قبل
وحداويه
نسيت اقول الاغاني حلوة وعقبال اتسمعنا شي ربشة
وتقرب من ربك اكثر ترى كل شي بيده
أفا والله
: (
زعلتنا
!!
الله يفك كربتك يا رب
و ينور دربك
و يشيل همك
: )
!!
أعلم ان هناك من هو الأقوى و من هو الأوفى
و من هو الذي يعطي
و لا يخذلك أبدا
هو الله
: )
السلام عليكم ورحة الله وبركاته
اهلين الاخ سالم اشحاك شخبارك ؟؟
كنت حابه اقولك انه الله يعيينك ع الظيجه الي انت فيها
ومااقول غير الله يفرج عنك ويفتحها بويهك
مع تحياتي
Malak AD
وحداوية
مشكووورة اختي الفاضلة وكلامج جد طيب الله يحفظج لاهلج وغاالييييج
DUBAI
والله اسعدني مرورج وتواجدج دبي
وانشالله ثقتي في ربي كبيرة اكييد بس تدرين احيانا الضروف والضغوط اتطيح على الانسان مرة وحده ومايعرف كيف يتصرف او شو يسوي
بس اكيد لولا وقفة ام مهره لكان وضعي من سيئ لاسوا
مشكووورة دبي تواجدج وياي وادري انج مب متعوده اتشوفيني بها شكل بس تدرين فترة وبتعدي انشالله
Malak AD
مشكوورة اختي ملاك والله يحفظج ويطولي بعمرج ويفرج عليج ازمة ظروسج اليديدة لول
ما يسوى عليك اخوي سالم الدنيا فيها الشين وفيها الزين …اضحك الدنيا تضحكلك وقول الحمدالله على العيال والخير عقولتك غيرك مب محصل وعايش مرتاح وسط مشاكل الدنيا والامراض … يلا خل عنك بس انته ودك نتعاطف معاك وندعيلك…الله يهدي الجميع………. فرحة الدنيا
فرحة الدنيا
اولا شكرا على مشاركتج وياي يا فرحة الدنيا وانشالله اتحصلين الفرحة في الاخرة بعد
الدعوة الطيبة كنو منا مايحتاجها ؟ كل حد منا محتاج لدعوة ,,, وصدقيني انا مب من النوع الي يحتاج لدعوة او يطلب شي من اي حد ,,, كل الموضوغ ان انا الي في قلبي على لساني وهل المدونه نفس المتنفس بالنسبة لي كل الي بقلبي احطها فيه من غير ما ازعج حد او ازعل حد
وعقووولتج غيري مو محصل وعايش ومرتاح وانا وايد جفت بس تعبت؟ والله سبحانه وتعالى يبتلي العبد عقد قوته ما يبتليه فوق طاقته وايمانه وفي النهاية الحياه تجارب ومدرسة نتعلم منها من مشاكلنا ومواقفنا وردود فعلنا في الحياه
احيانا نروم نواجهها ونوقف جدامها واحيانا مانروم حتى لو كانت كبر نملة
سوري طولت عليج يا فرحة ويجعل ربي ايامج كلها فرحة انشالله
تحياتي
ماادري اذا العنوان له دخل لو لا
لكن لو كان في القلب حب وانكسر..
عالج روحك اول من بقايا ذلك الحب
بعدها كل شي تمام
تقبل تحياتي
بسمه
http://www.basmaa23.com
بسمة
شكرا بسمه على مرورج الكريم
المساله ماتتعلق بي فقط بل تتعلق باشياء اكثر مني فضلا عن مااعجابي بالغنية الي سمعتها وسويتلها الرابط
لان كلمة حب في القلب انكسر صراحة من اجمل العبارات الي سمعتها ويمكن ربطتها بما امر فيه من امور سواء على المستوى الشخصي والعائلي وحتى العملي ’’’
ومثل ما قلتي الواحد يعالج روحه الاول … وانا اقول اشياء ثانية غير الروح بعد يا بسمة
مرورج اثلج صدري واتمنى انها تتكرر يا بسمة
تحياتي
مرحبا اخوي سالم
سلامات ما تجوف شر يعله في عدوينك ولا فيك
انا مريت بنفس اللي انت حاس فيه بس الحمدلله ازمه وعدت انت بس تقرب من ربك اكثر وتعوذ من ابليس يا ريال
في شي احب اقولك اياه … الانسان المصلحجي ينعرف من ويهه وانت اظني ريال عود المفروض تعرف من اللي يتمصلحلك
و حط ببالك هالمقوله: اضحك للدنيا تضحكلك وابكي تبكي لوحدك
نبيك ترجعلنا مثل الاول بمواضيعك الفنتك و عن الدلع يا سالم اوكي
الله يساعدك يا اخوي
اختكـ الامورة
باربيـ ـ ـ الاماراتـ ـ ـ
مبرووووووووووووووك سلوووم شفنااااك في التلفزيون اليوم المقابلة وياااك على الهواااء مباشرة من الاستوديووو
اسمييييييك زقرت يا رياااااااال ،،، وكاشخ منوووو قدك احيييين مقااابلات ولقااءاات يا عم
الله يوفجك وتستاهل كل خير بس متى الاعاده عسب انسجل اللقاء مالك
اخوك بو راشد
الاموورة باربي الامارات
الحمدلله على كل حال ومشكووووووورة عكلامج الحلو اختي باربي
الله يحفظج لاهلج
بوراشد
نورت المدونه بوجوودك حبيبي وصراحة فااجاتني بالقو امس من اتصالك والحين من مشاركتك المدونه
الحمدلله كانت تجربة حلوة ولو اني كنت متوتر شويه بس الحمدلله قدرت ارد عطبيعتي عقب لول
وعقولتك كنت عصبي وجدي شويه ويا المذيع وحليله غمضني والله
الاعدة ضنتني خلص وقتها كانت الساعة 3 الصبح
وكله في النهاية خير من ربي
تحياتي بو راشد وانشالله انكون عتواصل
بسم الله الرحمن الرحيم اول شيء حمدلله على سلامة الرجعه للمدونه وثاني شيء يا اخوي الله يفرج كربتك ومشاكلك والصراحه وجودك على قناة بوظبي كان شيء عجيب
والكلام كان مرتب بس العقال كان مرفوع شوي وبالتوفيق يا اخوي وخف من الدوام ريح اعصابك فتره اذا حاس عمرك مضايق ولا عندي حل جهنمي اتزوج وحده دلوعه
اتغيرلك حياتك وتكون صغيره على اللبن من14الى18تدلع طول اليوم تركضون لوووول
بو سالم البريكي
بو سالم
ماعليك انشالله في سفرة جرييييبه بتكوون
والحمدالله على نعمته اني ظهرت امبارحة في التلفزيووون واحلى شي كانت فرحككم كلكم واتصالاتكم لي
وسالفة العقااال تعرف هاي مشكلتي الازلية وصعب اني اتخلص منها لوووول
وحلك الجهنمي صراااحة موضوع يبيييله اعادة نظر خصوصا انك خبير في موقع زوااج دوت كوم ومنكم نستفييييد لول
وعلى ايييدك يالله وياريت لو اتكون برع بوظبي والعين عسب يكوون تغيير جو ولو في اختين يكون احسن ويا بعض ويمكن انحصل خصم في المهر وعروووض خاصة مع مهرجان التسوق !!؟ شو رايك لووووووووول
والعمر صراحه عز الطلب يعني حتى ما وصلت 20 شكلي بفتح حضااانه لووول مادري حسيت اني ساير اااخذ غنم جزيري !!؟ لول
تحيااتي وشكلك بتروح فيها هل اسبوووع لول
الله يعينك ويفرج عنك وعن الجميع…
ومبروك على اللقاء اللي ما شفناه…
ــــــــــ
شاني
ميرنداا سوري قصدي شااني
الله يسلمج ويحفظج الغالية وما عليج ترى احتمال الاسبوع الياي ارد مرة ثانية فخليج مستعده هل مرة لول
تحياتي
لو سمحت انا بصعوبة غيرت اسمي من شانتي إلى شاني ما عندي واسطة في الجوازات عشان كل شوي يغيرون لي اسم لوول
أنا شاااااانيي وبس
المهم….
ومتى ستطلع صورة سيادتكم في الأسبوع القادم؟ لووول عشان اتابع
الاسبوع الياي احتمال الاحد مرة ثانية اتتم الاستضافة بس مب اكييد وعلى الهوا على قناة بوظبي برنامج علوم الدار
allaH y5leeKM 7ag B3′9 ya raB : )
دبي
ماما شوفيج؟؟؟ توج ناشة من الرقاد ولا شوطت فيوزاتج من ردت ايران؟؟ لول
يخلي منو لمنو شو خخخررفتي لووووول
مممممم قصدج يخليني للتلفزيووون والتلفزيووون حقي لوول ااووووه يا ريييييييت
وبعدين ليش كاتبة بالانجلش !!؟ لول
وثالثا ليييش ضايجة هل يووومين؟ شوفي !!؟ ناقصين هم وغم يا دبي !!؟ لول
الكاكااااو وين ؟؟؟؟ لووول