ذكريات من ايام الدراسة
قبل عدة ايام كنت جالس مع اخواني اكلمهم عن ايام دراستي والمواقف الطريفة الي استوت وياي خلال تلك الفترة من عمري وحبيت اني اسردها وياكم هني، طبعا في سوالف ماقدر اقولها بس بحط الاشياء الي تنقال لول:
يوم كنت في الثانوية العامة، الحمد لله انا كنت من الطلاب المتفوقين في الدراسة وايضا المتفوقين في المشاغبة !!!؟؟ يعني شو كنت اشاغب وفوضوي بشكل رهيب لول طبعا مب انا بروحي كنت انا واصدقائي هاني واكرم وزايد وسالم وعبدالله وشلة ما انساها طول عمري، اذكر ان من كثر مشاغبتي زار مدرستنا مدير ابوظبي للمنطقة التعليمية وخبروه عني وعن شلتي الفوضوية …المشكلة نحن كلنا كنا مشاغبين حتى ان المدرسين ما كانو رايمين يشرحون شي لاننا كنا انفرهم بالبيض والطماط والشلق والدبووس تحت الكرسي والقنابل انحطها فالدولاب وتنفجر!!؟ بس كلنا كنا متفوقين واوائل !!!؟ فما يقدرون يفصلوننا لووول، المهم كلمنا الريال وفهمن اوننا عاد بنصطلب …اسمينا زجنا الطينة بله !؟ لول بعد فترة المنطقة التعليمية طرشولنا طبيب نفسي !!؟ يبون يعرفون شو مشكلتنا !!؟ كان انا اول واحد يجلس وياي عشان اون انا القائد …كان واحد مصري …قالي بالمصري ..ايه يابني انت مشكلتك ايه؟ …قتله انا مشكلتي مالها حل؟ قالي ليه في ايه …قتله انا ضد الموقف العربي من القضية الفلسطينية !! لوووول جاان يقوولي ايييه يتاووول اييييه !!؟ دنت واحد مش طبيعي !!؟ لووووووول
واتذكر يوم اول مرة شردت من المدرسة كنت في الصف الاول الابتدائي؟؟ كنت ناسي سبورتي ولو ماكنت يبتها كان المدرس ضربني … المهم بمساعدة ربيعي سعيد قدرت اشرد من الدريشة …زمان ما كان في سور حولين المرسة …المهم شردت وركض لين البيت …جافتني امي …ضربتني ضاااااااااارب عشاني شردت …وخلتني ارد ويا سواق سيارة البلدية كان ياخذ زبالة من جدام البيت !؟ وصلت المرسة جافني البواب وعرف اني شردت …ضربني ضرب!!؟ دخلت الصف جافني المدرس سلخني بالخييزرانه …اونه ليش متاخر !!؟ والقهر ان يومها ماستخدمنا السبورة!؟ لول
وايام الكليه استوالي موقف ابي ابين منه ان النجاح في الكلية ماتحدده علاماتك وحضورك وانصرافك ، الي يحدده رضى مدرسك عنك!؟ في حالات كثيرة؟
كان واحد من ربعي كل علاماته مرتفعه بس علاقته ويا المدرس ما كانت اوكي ..رسبه !؟ يوم كلمه قاله مستواك ماياهلك انك تنجح؟
انا كنت في ثاني سنه كليه … وماداومت اول اسبوع قلت اكيد كالعاده محد بيداوم …ويوم اكلم ربعي كل حد يقولي ما داومت وماسرنا والي يقولي محد يا …فقلت خلاص بتهنى بحياتي واجازتي …عقب اسبوع من داومت جافني مدرس الانجليزي قالي انت منو؟؟ قلت انا سالم طالب في الصف عندك؟ قالي انا ماجفتك ولا اعرفك؟ جاان يظهر من الكلاس وياني وياب ورقة انذار اخيير وصلت الليميت؟؟ والشباب كلهم خيانات طلعو كانو يداومووون؟؟ اتصوروا يعني حتى لو كنت اتاخرت بس عن الكلاس حرمان من الكلية للابد؟؟؟ المهم تميت انا شاد حيلي وكل يوم انا فالكلية من الساعة 7 الصبح واييبله كل الدروس الي فاتتني …قالي سالم انت ابهرتني وماشالله عليك شديت حيلك ولحقتنا !؟ لول استوينا انا وهو ربع من عقبها والله بالاسابيع ماداوم ….مافصلني …ليش لانه ربيعي وصراحة عارف ان مستواي اوكي فمب خايف لول موقف ااخر استوالي يوم مدرسة كلمتني عن موضوع الزوااج واذا افكر ارتبط باجنبية وبالتحديد هي؟؟؟ طبعا هاي سالفه محد يعرفها ولا عمري قلتها لحد بحياتي بس مادري توني اتذكرتها فجاه !!؟ بس مافيني اقولها عن اخرب بيتي واروووح وطي لووووول
تحياتي للجميع
انا كنت في ثاني سنه كليه … وماداومت اول اسبوع قلت اكيد كالعاده محد بيداوم …ويوم اكلم ربعي كل حد يقولي ما داومت وماسرنا والي يقولي محد يا …فقلت خلاص بتهنى بحياتي واجازتي …عقب اسبوع من داومت جافني مدرس الانجليزي قالي انت منو؟؟ قلت انا سالم طالب في الصف عندك؟ قالي انا ماجفتك ولا اعرفك؟ جاان يظهر من الكلاس وياني وياب ورقة انذار اخيير وصلت الليميت؟؟ والشباب كلهم خيانات طلعو كانو يداومووون؟؟ اتصوروا يعني حتى لو كنت اتاخرت بس عن الكلاس حرمان من الكلية للابد؟؟؟ المهم تميت انا شاد حيلي وكل يوم انا فالكلية من الساعة 7 الصبح واييبله كل الدروس الي فاتتني …قالي سالم انت ابهرتني وماشالله عليك شديت حيلك ولحقتنا !؟ لول استوينا انا وهو ربع من عقبها والله بالاسابيع ماداوم ….مافصلني …ليش لانه ربيعي وصراحة عارف ان مستواي اوكي فمب خايف لول موقف ااخر استوالي يوم مدرسة كلمتني عن موضوع الزوااج واذا افكر ارتبط باجنبية وبالتحديد هي؟؟؟ طبعا هاي سالفه محد يعرفها ولا عمري قلتها لحد بحياتي بس مادري توني اتذكرتها فجاه !!؟ بس مافيني اقولها عن اخرب بيتي واروووح وطي لووووول
تحياتي للجميع
Posted by
at
08:50:01
السلام عليكم ورحة الله وبركاته
الصراحه هالموضوع وايد حلو اني احس اننا كلنا اطرقنا لهالاشياء بحياتنا خاصه مرراحل الدراسه بالمدرسه كنت ابي اقولكم اخس موقف استوالي بالمدرسه يوم كنت بالاعداديه يت بنيه ويابت معكرونه المدرسه ؟؟؟؟؟؟؟؟ وطبعا المعكرونه ممنوعه بالمدرسه ونحن يالسين ناكل بالصف والمدرسه محد عقب سرنا ولملمنا كل كل اثار الجريمه مالتنا بس يوم دشت المس الصريه طبعا مس عطيات قالت ايي ديي الريحه ديي مين الي جايب الاكل للمدرسه عقب انا قمت اوني اتفلسف وجان اتنادي المدريه والوكليه وانا طبعا بويه المدفع خذونا للاداره وودوناواتصلو للاهالينا وطبعا اخوي الكبير كلمهم وقالي شومسويه تعالي البيت وبنتفاهم وانا راده البيت فلم رعب رقدت ع طول عسب مايزخني واول ماقمت طااااااااح فيني اهزاب طبعا لاني انا كنت مودبه بالمدرسه فااستغرب الاخ بس الصراحه يوم اذكر هالموقف اسميني افطس من الضحك
وطبعا انا وكتكوته كنا بنفس المدرسه ونفس ماقالت اخس شئ يوم يقولون تفتيش ونحن الشيل المرزه والسوع الملونه والشغابات اسمينه قلبنا كان يطيح جنه بيعطونا النتيجه لوووول
واخس موقف بعد يوم كانو يوزعون الشهادات ياربي وماادراكم مالشهادات عندنا فلم رعب طبعا مب دواويح بس ع الدراجات كنا نتحاسب ليش نازله بهالدرجه وليش وليش ونحن وحليلنا
وبقولكم عن مس كانت يوم تعطينا امتحانات اجازه عندنا ماندرس ليش لانه هااي الغش بالهبل وماانبرشم ولاشئ الكتاب بكبره في الدرج هههههههه والبنات الاوال اسمينهم كانو ينبطون من القهر بس مب مشكله المهم اننا مرينا لووول
Malak
سلام عليكم
هههههههه صرااحه رجعتني لذكرياااااات جد وناااسه
اياااام الثنويه عاد نحن البنات سوالفنا كلهاا مكياج وساعات ودلاغات وشباصاات
املونه وعااد شووو فووو العنقاااااااش على اصوول لووول
وكله صووب والتفتيش فالطابور صوب على طول الكحل ينخش دااخل البوت مع
القلوووس طبعاااااا ولا شووورايكم ملووكه ودلع قطوه>> جاااااان افضحكم لوول
سلملم
كتكووته
السلاااااااااااام عليكم
الصراحه موضوعك رجعني لايام المدرسه وبلاخص ايام الرحلات وخاصتا رحلة شاطئ الراحه
*وطبعا يوم الرحله المفروض انكون لابسين الزي المدرسي وممنوع انخالف الا بشيل … وذيج الحزه كنت انا وشلتي الي يجوفنا يقول مب مخالفين موول بس من وصلنا الشاطئ طلعت فضايحنا ولي هي كنا لابسين قمصان وبناطلين جنز وطبعا اكيد مع النظارات الشمسيه والكابات لووووول
والمرايل سوينالها طاااف وذيج الحزه زخونا مدرسات ونهزبنا وهددونا ان ما لبسنا المرايل بيتصلون على المديره وسينالهم طااااف (^_*)وطبعا اتصلو على المديره واول ما وصلنا حصلنا ذيج الحفله + الجماهير (الاداره)..وعقبها الهديه كانت فصل من المدرسه 3 ايام واكبر هديه الملف الاسود الي هو الحرمان من الرحلات والمشاركات المدرسيه (-_-)
لووووووووووووول
دلـ قطوووه ــع
السلام عليكم ورحمة الله وبركاته،،،
المـدارس …أيــــــــــــــام وذكريـــات..
نبدأ من الروضة (شوفوا قوة الذاكره) ههههه اللي طبعا ما في يوم يمر ألا والمدرسيين يتشكووون لدرجة أن نهاية السنة يوم عطوا أهلي الشهادة كتبوا( ممتازة ولكـــنهــا مشــاغبة) و هاي الملاحظة تمت معاي لين أيام الثانوية العامة طبعاً اللي عليها خط لول…وايـام الأعدادية اللي احيده أن أكثر أيام كنت أشاغب..كنت أسوي أي شي عشان ما أحضر حصص الرياضيات كنت أشارك في الرياضة أونشاط المكتبة أو.. أ و .. بس عشان كانوا ياخذونه من حصص وأنا طبعاً كنت استانس وما أصدق أن طاف حصة الرياضيات..وأذكر يوم أبا اطلع من الكلاس كنت أقول للأبلة بروح أشرب الماي اتقولي سيري بس تعالي بسرعة ..وطبعاً ما أرد هههههه..وحصة الجغرافيا اللي يوم تدخل علينا المس وتسلم أول شي اتقولي أوقفي ورا مرات بروحي ومرات مع الشله.. مواقف ومواقف بس حمدالله ما كنت من النوع اللي آذي الخلق يعني مشاغباتي على قدي …وســلامــي لـلمــدام
(^_^)
Malak
ههههه ضحكتيني والله بس هذا اخووج شكله شرير وعصبي وايد عسب اتخافين منه جيي لول
وبعدين ماشالله ما كنت اعرف ان انتي وكتكووته من ايام المدرسة ويا بعض يعني شلة الانس مستمرة لول
انا اعتقد ان يوم كنتي اتييبين الشهادات كنتي اتميين ترجفين من اخووج ..واتموتين يوم يقعد يحاسبج على درجاتج لول …طبعا حظج حلو ان اخوووج مشغووول ومب فاضي الحين ولا كان فصفص علاماتج بالكلية لول
المدرسة ومريتي منها الكليه شو بتسويين !؟ لول
كتكوته
مكياج وساعات عرفناا …بس دلااغااات !؟ هاي يديدة صرااحة لول …الله يعينكن على ريحة الدلاغات والصنان والعفن اييييييف ..لوعتي بجبدي لول
احس ان التفتيش الصبح كان مغامرااات لول
دلع قطوووة
اقولج انتو شو عايلة قطاوة ولا شو !!؟ شو هل نك لول بليز لايكوون انتي الي امخلصة التونه في السووق …دخيلج عن اتخلصينه نفس البيض لول
على طاري النظارات الشمية الي كنتو تليسونها طبعا انا اعرف اي نوع كنتو تلبسوون …ابو عشر درااهم مال السوووق الجديييم صح هههههه واونه فلرحاانين فيه وكااشخيين هاه لول
بس احلى شي يوم يفصلوونكم من المدرسة اتحسييين بشعوور غرييييب لول
انا مرة ياني وكيل مدرسة يسكن عدال بيتنا …قالي سالم انا احسدك …قتله ليش ..قال انت تخرجت من المدرسة وعندك وايد ذكريات حلوة بس انا ما عندي شي عشاني كنت مؤدب !؟ لول
فالافضل الواحد يكون مشااااغب لول
(^_^)
شكلج متخرجة ادبي مب علمي لول
مشاغبتج كانت خفيفة وهي تطنييش ولبسنج اكثر من فوضى ….ما جفتي البلاوي الي كاتبينه فوق ملاك وربعها لول
وبعدين على طاري مدام ..ترى الوالده اتسلم عليج واتقول سلمي على امج ونتريا رد للزيارة بس بليو ييبو وياكم هريس عشان هلريس امج مافي احلى منه
تحياتي
مرحبا شحالك اخوي سالم
اذا انت جي تسوي عيل نحن البنات شو نسوي
انا عن نفسي بقولك سوالفي
ابداعاتي ما بدت الا بالثانوية العامة مثلا كنت دوم اشرد من الحصص لا وكنت علمي و كات مدرسة الرياضيات يوم ما تخليني اطلع اقولها بسير الحمام و تقولي دقيقة وترجعين اقولها مس حد يخلص شغله بالحمام بدقيقه… لوووووووووووول
بعد كنت ادق بيبان الصفوف الثانيه واشرد لووووووووول
و البس مخالف و اتجحل جنه عندي عرس واحط مناكير وجي
و لازم كل يوم اتخالف او يردوني البيت اغير هدومي لووووووووووووول
هذي سوالفي بس تصدق عاد يبت نسبه خباااااااااااااااااااااااااااااااااال على هالمشاغبه والحشرة
جم تتوقع؟؟؟؟؟
بقولك
80 مب حلوه صح والله تضايجت بس ما عليه خيرها بغيرها تتعوض بالكليه
يللا ســــــــــلام
باربي الامارات
مرحبا اخوي سالم الصراحه انا من الناس الي وايد تاثرت بسببك في المرحله الاعداديه لانك وايد سمعتك اثرت على مستقبلي بس الحمد لله فتره وعدة وايام الدراسه الحمد لله انا ما كنت اعرف المشاغبه ولا شيء بس كنت مركز في دراستي والله الحمدلله يوم ما حصلت دعاوي المدرسين وقال الرسول كاد المعلم ان يكون رسولا
أحمد البريكي
نائب رئيس الموقع
مرحبا الموضوع حلو ودمه خفيف لانك تشوف المصايب اللي كانو يسوونهابعض الناس واونهم مؤدبين …لول
انا راح ابدا بالروضة واللي اذكره اني مب بنية كنت ولد ما اخلي ولد والا اضارب معاه واضربه في الصبح كنت اروح الروضة مع اختي واحنانظاااااااف ومرتبات والظهر يوم نرد تكون اختي مازالت نظيفة اما انا ففي قمة القذاارة من الرمل والضرابة وشعري كشة كخخخخخ
اما بعدين فعقلت الين كنت في اواخر المرحلة الابتدائية لاني رديت فتوة البنات ادخل وضارب ويا البنات في كل مرة طبعا هالشي كله يكون في الساحة …لكن في الصف !!!!!!!!!!!قمة الادب والشطارة هاهاها
ويوم دخلت الجامعة مدامات السكن طفروبي لانهم كانوا دوم يقارنوني بخواتي الهاديات وانا كنت الشيطان الصغير واللي الحمدلله ما قدروا يمسكون على شي إلين تخرجت مع اني لي مغامرات ههههههه لول
والسموحة على الاطالة شكلي بسبب هذا الموضوع بفتح مدونة انا بعد عشان لول
حلوة ومرُة
الصراحه أخوي العزيز سالم اسمحلي اطلع بعض الامور الي انت ما تكلنت فيها عن نفسك راح اقولها انا ما اتخيل نفسي مع اني اصغر من سالم بخمس سنوات كنت اي الين عنده واقوله يا اخي بسك حواطه وذاكر لدرجة اني كنت امسك كتابه واساله وكان يعصب بس الحمدلله في الثنويه الله هداه شوي وكمل ولا اليوم ما ادري يمكن الكمبيوتر ما بيعرف يستخدمه لووول وكان لقب سالم ايم المدرسه اقووووووول يبدا بحرف السين وينتهي بحرف الواو عاد اذا هو حب يكمل برايه لدرجة انه ايام المدرسه كانو يقارنون بيني وبينه يقولونله شوف اخوك الصغير ما اشطره وكان يفتخر الحمد لله عمري ما عذبته كنت اخاف اشرد من المدرسه لا يضربني سالم والحمد لله تميت اخاف لين ما تخرجت من الثنويه عمري ما شردت يا ريتني لو جربت الشرده ولو مره ومشكور يا اخوي المشاغب على الموضوع الطيب بس انا مالي مكان في هذا الموضوع لاني ما اذكر اني شردت
أحمد البريكي بوسالم
LoooooooooL
3eyal Ma TnlaaM, aNa Kent Shaka Feek..Chee 7Sait feeK Hafa ef raSsk ekeke o ilDaleel Salfet Fls6eeN : P
Allah yShfeek ya rab \0/
باربي الامارات
والله ما ضحكني غير سالفة الحماام،،، هو جوفي مدة اليلسة في الحمام تختلف من شخص لااخر !!؟ يعني ناس دقيقة وناس بالسااعات !!؟ امس مثلا كان وياي ربيعي حااشرني يالله ويالله مزنزززق زمزنووق ابي حمام …وقفت عند مطعم …ربع دقيقة وردلي !!؟ انا ابي افهم هذا شو سوى في ربع دقيقة !!؟ لوووول
وسالفة دق بيباان الصفوووف اووووه زين ما كنا نكسرهم من الرفس هههههه
على سالفة الجحال ذكرتيني ينااااس مب يحطونه الا زيين ما ياكلوونه لول الله يحفظهم
اااخ يالزلمة نسبتج 80 وزعلاانه لول انا صراحة ايام الثانوية ما فتحت الكتاااب الا اااخر شهر …بس شو كانت نسبتي ….ما بقووول لول
مشكوورة عمشاركتج يا باربي مع ان انتي لازم اتكونين فله الامارات …عشان سوالفج فله على فله لووول
تحياتي
باربي الامارات
والله ما ضحكني غير سالفة الحماام،،، هو جوفي مدة اليلسة في الحمام تختلف من شخص لااخر !!؟ يعني ناس دقيقة وناس بالسااعات !!؟ امس مثلا كان وياي ربيعي حااشرني يالله ويالله مزنزززق زمزنووق ابي حمام …وقفت عند مطعم …ربع دقيقة وردلي !!؟ انا ابي افهم هذا شو سوى في ربع دقيقة !!؟ لوووول
وسالفة دق بيباان الصفوووف اووووه زين ما كنا نكسرهم من الرفس هههههه
على سالفة الجحال ذكرتيني ينااااس مب يحطونه الا زيين ما ياكلوونه لول الله يحفظهم
اااخ يالزلمة نسبتج 80 وزعلاانه لول انا صراحة ايام الثانوية ما فتحت الكتاااب الا اااخر شهر …بس شو كانت نسبتي ….ما بقووول لول
مشكوورة عمشاركتج يا باربي مع ان انتي لازم اتكونين فله الامارات …عشان سوالفج فله على فله لووول
تحياتي
حلوة ومرة
شعرج كان كشه !!؟ يعني الحين يوم اتنشين من الرقااد مايكش !!؟ الله يخلي الاستشوار والتمليس ولا اسمينا نحن الرياييييل كنا تعقدنا
على طاري قمة الادب والشطارة ممكن اتقوليلي كم كانت نسبتج في الثانوية لووول
انا سمعت اشاعه انج كنت من البنات الي يشقحووون في السكن ويشردون من سكن لي سكن وشرده من المدااماات؟؟؟ صحيح ولا ؟ لووول
دبي
ليش انا شوفيني …كسيح ولا معوق اتقولين الله يشفيني !!؟ لول
ماما هاي ذكريااات …انتي ما شفتي دعاية نيدو حليب الاقوياءوالغنية ماالته !!؟ ذكرياات ايااام سعييده لحظاات كتيييرة …الخ ههههههههه
عاد انا لو احط السوالف الباجية شو بتسويين …بتقولين هذا حاله نفسية صعبة لول
نائب رئيس الموقع احمد البريكي
ماشالله ماشالله يخزي العييين والله يالمتفوق يالممؤدب يالاخلاق …يعني انت من علو اخلاقك كانو يحطون صورتك عدال علم الامارات في طابور الصباح ما شطارتك !!؟ لوول
ويعني عمرك ما جربت الشردة من المدرسة !!؟ وانا كنت افتخر فيك ويضربون فيك الامثال !!؟
وماشالله حافظ احااديث بعد كاد المعلم ان يكوون رسووولا !!؟
انت لو واحد من مدرسينك شافك تكتب جيي والله لا ينتحر !!!؟
مادري منو الي كان اونه بيسير المدرسة ويتخبى عدال البالوووعه الي عداال المسجد !!!؟ ما فضحك غير الزبال مال البلدية قال تعالو جوفو ولدكم مايسير المدرسة !!؟ ويوم جيييت اجوووف حضرتك ياالس عدال الباالوعة ورا الحمامات !!؟ لووول
ولا وكيل المدرسة محمد خليل الي يوم عرف اني اخوووك ياته صدمه عاطفية زين ما ياته جلطه من الصدمة !؟
هذا غير الطرد الي كنت اتحصله يا متفوق !!؟
لااا واحلى شي ياايبني مدرسته عسب اضرب المدرس مااااله عشانه عصب عليه !!؟ تميت انا وربيعي نتريا المدرس عسب نظربه وانا مخبي السلاسل في جيبي ههههه اسمينا مجرميين لول
بس انا شكلي راحح اكتب موضوووع كامل بس عن تفوقك يا احمد …يبالك مجلد انت مب تدويينه …المعلم رسوولا هااااه
انت ماشفت حد في الدنيا مصخر المدرسين مثلك !!؟ لووووول وبعدين شو كانت علاماتك يا بطل …انا احيد كنا يوم انسير السوق مانييب طماااط ابدا فالبيت ؟؟؟ عشانك ما كنت اتقصر في الشهادة بالدراازن هههههههههه
مرحبا اخوي سالم شحالك
تذذكرت سوالف اليوم و حبيت اقولك اياهن
لانها صج تنقع من الضحك
امممم
خلنا نبدا بحصة العربي الحصه اللي ما كنت ادانيها
المس كانت اوكي بس انا شريرة نيييههاهاهاهااا
كنت دوم اطيع الوقت بالسوالف وياها
هي مصريه فأقولها مس جفتي ستار اكاديمي صوتي لمحمد عطيه انا عن نفسي صوتله امس ===>>>> وكله خرطي بس عسب تضيع الحصه
كنت دوم اخليها تسولف عن اهلها وجي و عاد هي ما تصدق الين تضيع الحصة لوووووووول
اذكر مرة قالتلها المس نبي نسوي مسرحية وانا طبعا لاني احب اكتب فكتبت السناريو ووزعت الشغل عالبنات وانا كنت البطله اللي تكون بويه عاد شو سويت قول شو ما سويت لعبت بالمسرح لعب حتى المديرة استانست علي
فديتني والله كنت طالبة فعالة لدرجه اني كنت بالاذاعة اذا كانت باردة اغنيلهم و يستاتنسون البنات طبعا مدرسات الدين كل وحدة شياطينها طالعه علي خع خع خع خع
على طاري الدراسة انا ما كنت ادرس الكتاب الا يوم الامتحان لاني انسى بسرعه مثلا يوم الرياضيات يلست ثلاث ايام بدون رقاد كله كوفي يحليلي هع هع هع
و هذي كانت حياتي ايام الدراسة ما بقولك اني مش مشاغبة الحين بس مشاغبه بس على مستوى تراهم عطوني (لقب بروفيسورة) بالمشاغبة فديتني والله اني عســــــــــــل
اسمحلي جان طولت بس شو اسوي عيبني وايد الموضوع فتميت امس اعصر مخي عصار عسب اذكر شي اكثبلك اياه زين يوم انه عيبتك سالفة الحمام لان شي ناس اعترضوا بس الله يهديهم عالعموم كثر من هالمواضيع الحلوة
ســـــلام
باربيـ ـ ـ الاماراتـ ـ ـ
السلام عليك أخوي العزيز سالم الصراحه الموضوع شيق لكن الذاكرة قامت تخوني مشكور على المنتدى الجميل بس بسالك شو المواقع الي ادخلها سولي تلفون وخبرني
بو حميد
هههههه صراحه كلمة مغامرات اشوي ع الطابوور الصبح
وانا وملاك وقطوه كنا مع بعض من ايام الاعدااديه
ع طاري الاعداديه اتذكرت مديرتنا كاانت شريره مانشوفها فالطابور الى والمقص معاهااا اتقطع الشيل والقمصاان والمراييل المخاالفه وكله صووب ويووم اتشل
^^الجوااتي المخاالفه عندهاا وتخلي البنات حفي صووب خخخخخ
ومن بعدهاا افترقنا وسبحان الله يمعتنا الكليه في كلااس وااحد<<< دمااااار شاامل لوول
ع طاري الكليه
كل شي فالكليه حلوو بس مشكلتها فالاساتذه يعني نحن لنا فرصه انغير الاستاذ اذا ما عيبنا بس خلال اول اسبوعيين ونحن ويين نقدر نعرف الاساتذه ونعرف اسلوبه بالشرح من اسبوعيين يعني مثلن مس الرياضيات صج اتييب الاعصاب والمرض بس صراحه فبدااية السنه كاانت واايد اوكي بس احيين خلني ساااكته
سلملم
“كتكووته”
السلام عليكم والرحمه
بس حبيت اعلق ع هالمجيره الي بالمدرسه ع قولت كتكوته هااي كانت اطلع اجرامها كله علينا ماادري شوفيها ولوكانت الشيله مطرزه اتقوم اتجطع التطريز واتخلي الشيله جي جنه البنات شحاتات بس الحمدلله انا ولامره جي استوالي هع
وع طاري مس الماث مالتنا الصراحه توو مج اسلوبها وايد روود ووايد جاف ويانه جنها ادرس بنات بعزبه بس نحن بعد نعييبكم زخيناها وقلنالها بس اهي طبعا حاولت
اتبراا موقفها بس الصراحه هالاسلوب مافي تبرير و يوم ننسى الاله مالتنا اتم اتخلينا نطلع من الكلاس وانشري اله يديده وهالوقت اتقوم اتسجل الغياب واتخلي البنت الي طلعت ابسينت دايما جي اتسوي
بس مره سويتها فيها قالتلي اطلعي اشتري اله قلتلها انا وام يزوي ماعندنا بيزات ونحن بوكنا متروس هع
امع تحياتي
Malak
والله هو يوم سوى الموضوع يبي يسمع سوالفنا اذا كان قصده بالمدونه مب للسوالف عز الله ان المدونه اتسكرت
هذا رايي
باربيـ ـ ـ الاماراتـ ـ ـ