عند العيايز كل شي يايز
صج لا قالو الانسان يوم يكبر يستوي نفس الياهل!؟ الفترة الي طافت يدتي يت عندنا واستوت وياها مواقف طريفة حبيت اسردها وياكم:
خواتي يطقون الباب على أخوي الصغير أحمد الساعة 4 الفجر !!؟ قوم قوم نش يدتك محد !؟ سارو جافو ماحصلوها ..وباب الشارع امبطل !؟ ظهر أحمد وسط الضباب يدو ويدور عليها ودق حق الشرطة والمستشفيات عسب يتاكد وينها بس ما حصلها !!؟ وفجاه جاف بيت توه يبنونه ولمح عباية سودة …دش وجاف يدتي شايله عصاتها وتضرب الهنود بالعصاه وهم يالسين يضحكون ويطيحون عمارهم جدامها …أونه اضربيني اضربيني!؟ كلمها احمد خير شو يابج هني !!؟ قالت ماشي سرت الجمعية وبعدين سرت عند الدكتور مالي اسلم عليه !!؟ قالها زين وين الاغراض الي شريتيهم قالت ماخذت شي ترى كل شي غالي !!!؟ لوووول، وهم طالعين الهنود مصرين الا ينضربون منها ويقولون بالهندي (مارو مارو مارو) يعني اضربينا اضربينا !!؟ قالهم اخوي شوفيكم تخبلتو قال واحد انا امي ماتت من 50 سنه وعصات وضرب هل حرمة ذكرتني بامي بليز خليها تضربني!!؟
وبعد يومين عزمت الاهل في مطعم الظفرة …. ويوم يلست يدتي على الكرسي المنديل الي يحطونه على الريول قامت تبي اتقصة بيدها !!؟ عبالها خبز !؟ جان اتقول لاختي قصيه وخذي نصه !!؟ لول
وسالفة ثانية بعد واحد من ربعي يدته اول مرة تركب الطيارة قبل لا تركب الطيارة نزلت نعالها عند الباب ودشت !! عبالها مجلس ولا بيت !؟ ويوم نزلت من الطيارة قالت …وين نعالي !؟ منو خذا نعالي !!!؟؟؟ منو سرق نعالي !!؟ واتضاربت ويا الشرطة عيالها نعالها انهف !!؟ وفي الطيارة اتقول حق المضيفة الي توزع العصاير …تبيني اساعدج واوزع وياج عالضيوف !!!!!!!!!!!!!!!!!!!!!!!!؟ لووول، المهم كان بعد في يهال يلعبون ويتناقزون في الطيارة يلست اتقولهم ….يلسو يلسو عن اتطيحون علينا الطيارة !!؟ لوول
بس ماقول غير ان الله يحفظنا ويسهل علينا يوم انوصل لسنهم
تحياتي
ملاحظة: الصور منقولة
السلام عليكم والرحمه
الصراحه الموضوع وايد حلو الصراحه الاخ سالم تسلم اسمينك نجعتني من الضحك وماانقول غير الله يحفظهم لنا ويخليهم يارب والله يصبرنا لوووووول
مع تحياتي ؟
AD بنــــــــــــت
اهليييين بمطولين الغيبات صراحه وحشتنى مواظيعك المهمه وايد وانا
كنت متوقعه انك بترد بموضوع قوي مثل هالموظوع الله يخليلك يدتك تره الكبار في السن بركه في البيت بس الخوف الحين من عامل الوراثه الي عندكم هل ممكن انك تاخذ من يدتك هذا العامل وتصير مثلها صراحه مشكله فكر في العلاج من الحين اخويا سالم لا تصبح الصبح علينا تركض تركض عاد انت تحب الركض في الشوارع وتصيح لووووووول لووووووووووووووول عاد انت لهنود ما بيسووولك ون توه عارف انت
مهـــــــــــــــــاري
im back
مرحبا اخوي الكبير سالم طبعا انا بتنزل وبرد في موقعك ولو انه مش ولا بد لانه موقع عيون الحب ما تقصر في زوارها الله يحفضها عزيزتنا انت الله يهديك حاطلي صور ام خماس وربعها شوف عيون الحب واتعلم من مواضيعها مب انت ما ادش موقعك الى في السنه حسنه والناس المساكين يتريون حد يرد عليهم الله يسامحك يا سالم بس الصراحه انت وايد مهمل الموقع
أحمد البريكي
مرحبا سالم طبع انت ما تعرف انا من بس انا اعرفك انا واحد من جيرانكم الصراحه يا سالم انت وايد مهمل الموقع وربعك الي هم احنا بس ما عليه انشاء الله تتغير للافضل نسال الله لانك احس الوقع صلر فيه مثل الجذري والالحكه استوا ممل ومشكور على صور ام خماس
ياسر
سالم حالك ما خبرتنا انك معهم في الكبيوتر انا عبدالله مبارك مبروك ليش ما خبرتنا انك في الانتر نت على العموم من اليوم احنا بنكون معاك وبنشل النكان شل وبوزعه على الشباب فب المعسكرسلم على الجماعه
ولد المقدم
بنت AD
شكرا اختي الكريمة على مشاركتج وانشالله البسمه اتدوم دايم على وايهج ..من حقج ماشي تقويم لول
مـــهاري
سلام يا مهاري يا ام لسان !!؟ يعني انا احصلها منج ولا من احمد !!؟ ذبحتوني انتو الاثنين من تعليقاتكم مادري شو اسوي
وشكرا على مدحج لمواضيعي البناءة وانا فاهم قصدج من ورا التنغيييز مالج لول بس التنويع تراه زين لول
وليش ماتبيني احب الركض !!؟ ترى الرياضة زيييينه بعد ورشاقة وحيوية …انتي متى ااخر مرة ركضتي فيها لول
وعلى طاري الوراثة مادري والله شو الحل بنظرج لول
يا عكروووووووووووووووووووته اااخ من لسانج لول
احمد البريكي
اهلا وسهلا اسفرت وانورت …انا محد بيخليني اقفل المدونه الا انت ومــهاري !؟ عقدتوني بحياتي
والله عيون الحب ماشالله عليها كتاباتها حلوة ودوم متواجدة …بس انا بيزي شوية …بس انشالله بحاول اكون اكثر تواجد …بعدين البركة فيك يا نائب مدير الموقع !؟ لول
سلوم بو تيلة
حرام لا تطنز عليهم : (
واعلية واعلى سوالفهم الحلوة .. و برائتهم و هم في هالسن !
يا ربي الدنيا ضايقة فيني من عقب وفاة يدتي !!
DUBAI,
سلام يا دبي نورتي مدونتي البسيطة لول
انا مب طايح فيهم قرض بس والله مواقف حلوة ضحكتني وفي نفس الوقت توضيح للبعض منا ان في يوم من الايام شو ممكن نستوي !؟ لول
وبعدين انتي بعدج مصرة على بو تيلة !؟ ليش مب بو كيرم ؟ لول
وشخبار ابوبكر عمر علي عثمان !!؟ لوووووول,
خخخخخ احساس كنت مقيم لعبة التيلة !!
“تشطر” و كثر من مواضيعك .. بنكون “مقيلين” عندك : )
اهلين الاخ سالم؟
سؤال انته منو قالك اني كنت مركبه تقويم؟
الحمدلله كل شئ عندناطبيعي ؟
حبيت اقولكم انابعدمواقف عن يدتي
يدتي كل ماتيي عندنافديتهاقصه يديده؟؟؟
مره كنايالسين كلنابالصاله وفجاه يلست اتقول وين دلتي وين دلتي قلنالهااي دله؟؟؟؟
انتي مايبتي معاج شئ اتقول امبله انتوشليتوه عقب سرناالمطبخ ويبنالهادله غيرهامن عندنا عقب هدت؟
ومره ثانيه سرنابيت خالتي ونحن ظاهرين من عندهم قالت وين القطع الي يبتهاوياي قالولهااي قطع قالت انايبته وياي عقب خالتي عطتهاقطع من عندها وهدت يدتي كعاده؟؟؟ (:
وكل ماتيي انسلم عليها دقيقتين اتزخنا واتقول ليش ماسلمتو يعني يدتي كل ماتيي تقريبا 10 مرات انسلم عليها لوووووول؟
مااقول غير الله يحفظهم لنا وترى والله هم بركتنا بالبيت…
يحليلها هههه… زين لحقتو عليها قبل لا تطعم المنديل.. الله يحفظها
غييييييييير يوم اليدة أو حد كبير في السن موجود في البيت والله…غير المواقف العفوية اللي نشوفها منهم.. ناخذ الحكمة منهم في نفس الوقت ( الجدة =الحكمة) بس الصراحة انا عندي الناني احسن من الدادي!!! ولا شو رايك سالم؟؟
أنا يدتي غيير… مثل جدة غيير ههه..
الله يحفظهم…
موضوع جميل خاصه انها تتكلم عند شخص اتوقع ان لها فضل كبير على بناء أي أسرة ناجحة لان فيها كل الخيير والبركه ..وانا هالرمضاان احس بشي ناقص لان يدتي محد عندنا اغلب الوقت كانت مرقده بالمستشفى لانها مريضة.. بس الحين بيت عمي وأنا محتاجة لدعواتكم لها..آه ذكرتني في سوالفها و ضحكتها فديتها.. الله يشفيها يا رب ..ويخلي كل يدادكم يا رب …
(-_-)
DUBAI,
انشالله بتشطر …قوليلي متى بتقيلين عسب ازهب القهوة !؟ لول
على فكرة تلفونج اليديد للبيع ولا !؟ لول
بنت ad
والله حدسي يقولي انج مركبة تقويم !!؟ وبعد في عيادة في بوظبي حتى ان الدكتور تعقد منج ومن مواعيدج وقرر انه يسكر العيادة منج لول
والله هاي يتكم تحفة !؟ شو رايج اتحطونها بالمتحف !؟ لول
كناري,
ناني ودادي !!؟ شو هذا اسم خبز ولا نوع يديد من الطبخات !؟ لوووول
زين شو سوالف يدتج كناري وشو اتم اتقولج ممكن اتخبرينا لول
الاخت من دون اسم
الله يحفضلج يدتج ويطول بعمرها ويخليها لج قولي اامين … انشالله بتنش وبتشوفينها تضحك وتسولف وتضربج بالعصا وعقبال اتجوف عيالج انتي واخوانج بعد…0
مشكورة عزيزتي على تواجدج الطيب بمدونتي وانشالله انشوفج اكثر
انته الظاهر اطلع عصبيتك الي المفروض اطلعها على احمد علي انا وحليلي انادايما جذي ليش؟؟؟؟؟؟؟؟؟؟ ):
اوكي مردوده لااتخليني اشترك باجروب احمد لووووووووول
مع تحياتي
ADبنــــــــت
حبيت اباركلكم اعيد عليكم
واقوللكم كل عام وانتم بخير ؟ وعساكم من العايدين
(:
AD بنت
مرحبااخواني الزوار
بسبب انشغال اخي العزيز سالم في امور العيد
يسعدني ان اباركلكم بالعيد وعساكم من عوادة العيد وانشاء الله ينعادعليكم وانشاء الله تستمتعون بالعيد والله الله في العيديه اليهال هاي الايام بطرانين اشوي عليهم وعلى فكره سالم اخوي مسكر ابواب البيت ويطرد اليهال من عند الباب ومدخل سياراتنا داخل عشان يتحرون محد في البيت لوووولوعلى فكره انا سالم طلبت منه عيديه طردني من الغرفه وهددني اذا بطلت الباب لليهال بيخليهم يكسرون سيارتي لوول
أحمد البريكي
هههههههههه…. كان الله في عونكم..صار بو خماس
بس نريد عيدية نحن القراء على الأقل موضوع صغير عن العيد بقلم سالم
وكل عام وانت بخير والأمة الإسلامية بألف خير
السلام عليكم ورحمة الله وبركاته
فدييييييييييت العيايز ولو اني أخاف منهن هع
بس مب كل العيايز تلاقيهن سوالفهن حلوه
وييييييي بعظهن مثل ام خماس شرانيات هههههههههههه
وبعظهن مثل ام سلوم حبوبات
ويعيشن في خيال ماله حدود .. خاصه يوم يتذكرن متظيهن
وعند العيايز كل شي جايز
ورد