شوكولاته سويسرية بنكهة خليجية
خلال رحلتي الاخيرة كانت لدي الكثير من الملاحظات والمواقف الطريفة التي مررت بها وهي ما جعلت الرحلة ذو ذكرى وطابع مميز خصوصا انني تمكنت من بوتقتها باطمار كوميدي طريف في لحظتها مما اضاف اليها نكهة طيبة لي وممن هم حولي بالرحلة، سأقوم بسرد بعض من تلك المواقف والملاحظات حتى يعرف ممن لا يعرف ما يمكن ان يراه من دون ان يستغرب!
العديد من بنات الخليج كانو يرتادون على محلات وضع التاتو (الوشم على الجسم) ويتنافسون فيما بينهم منو الي رسمتها احلى وفي اي منطقة! فهل ممكن انجوف موضة التاتو دارجة فبلادنا وبين بناتنا في المستقبل! انا الي اعرفة ان التاتو موجود عند البعض ولكن فقط في رسم الحواجب ووضع حبة الخال (جفتو الخبرة لول) ولكن هل بنجوف ما هو اعمق من ذلك، صراحة لا استبعد.
البنات الخليجيات في قمة الكشخة والاناقة وهم في اماكن التسوق والسياحة كأنهم عارضات أزياء ! وصدقوني ما ابالغ، فالبداية كنت استغرب بس بعدين عرفت السبب!! كثير من حالات الخطبة والزواج تتم في اوروبا، وهذه من احدى الامور التي حصلت امام عيني! .
لايمكنك التمييز بين بعض الخليجيات والاجنبيات الا عندما يتحدثون ! وذلك بسبب نوعية اللبس الذي يرتدونه أو عندما ترى البشكارة شايلة الاكياس وتمشي من خلفهم! لول
عائلة خليجية جلست بجانبي في مطعم ايراني، اب وام و3 بنات لا يتجاوزن سن العاشرة، الاب والام يشربون الكحول امام الابناء! ونفس الامر في بهو الفندق ثلاث رجال مع نساءهم والكاس بالكاس!
أحد المواقف الطريفة التي مررت بها هو أنه في احد المحطات كان علي تغيير القطار، والانتظار لمدة 20 دقيقة لموعد القطار الاخر، ولكن اشرطة التصوير نفذت من عندي ولم اكن استطع مقاومة المناظر الجميلة من دون ان اصورها، فاذا بي اركض واركض بحثا عن محل لبيع الاشرطة ولم اجد نفسي الا وانا في وسط المدينة! وانا اركض كاني في سباق مراثون والجنطة على ظهري! فالنهاية وجدت المحل واشتريت الاشرطة وعدت اركض اسرع من ذي قبل ووصلت قبل ان يتحرك القطار بحوالي ربع دقيقة وانا اضع الحقائب بالقطار! عندما جلست على الكرسي وانا الهث من التعب وشربت الماء البارد فتحت الحقيبة فوجدت ان الرجل وضع في حقيبتي (بالغلط) اشرطة مختلفة عن التي اخترتها !! شووووو انقهرت كل هل ركض والتعب والمخاطرة والقطار بيسير عني ااخر شي اشرطة غلط ! والله قهر لول
شاب خليجي تعرفت عليه اول ماوصلت الى احد المدن وسالته هل اهلك معك اجابني بنعم ، بعد ذلك كل يوم اطلع برع ولا اتريق بالمطعم اجوفه بروحه محد وياه ! اربع ايام محد وياه !! فاليوم الاخير شفته جيك ااوت معاي كنت سايرله اقوله ليش اتجذب على سالفة ماتسوى ! جان اجوف وحده منقبة ياية من اليمب وسايرة صوبه … شكلها زوجته لول! ويا صوبي قال في شي قلت لا بس بسلم عليك لول اتصورو اربع ايام زوجته الفقيرة المسكينة ما طلعها من الفندق شو هل انسان! صدق قهرني
في النهاية انا صراحة حبيت سوسيرا اكثر من فرنسا والسبب هو طيبة اهلهل واسلوبهم المهذب واللطيف في التعامل مع الاخرين ، وانشالله تكون لي عودة اخري قريبا؟
وهذا نحن العرب ماعندنا شغله غير التقليد الأعمى
اصلا الوشم مايجوز
قاموا يحطونه بعد في اماكن مختلفة؟
والله اذا على كلامك ماستبعد انا بعد
::
::
واللي عندنا بعد هني تشوف من هالشاكلات
كشخة من راسها لرجولها ورايحة سوق؟
مادري شو الحكمة بصراحة
انا يالله يالله اشل عمري عشان اروح السوق
بعد اقوم اتكشّخ؟
انا الدوام ما اكشخ له عشان اكشخ للسوق
والله ناس رايقة
بس عاد خطبة؟؟ هذي جديدة بصراحة؟
كيف هالخطبة تصير؟
انا لو اشوف وحدة بهالشاكلة ماباخذها لأخوي والله
::
::
استغفر الله
هذول ماعندهم ايمان؟ ولا حيا؟
ولا ذمة ولا ضمير؟
ماتخاف على نفسها وهي جي؟
كيف ترضى تلبس جي اصلا ؟
جد نرفزني الكلام
::
::
خليجية؟
يشربون قدام عيالهم؟
صدق صدق اخّي عليهم
::
::
اما موقف القطار مت عليه من الضحك
لو مكانك ببكي من القهر لوووووووووول
كل هالتعب على ولا شي
صدق صدق قهر
::
::
ههههههه هذا ماعنده سالفة
مسفر المرة ودافع قيمة تذكرتها
ومتعب عمره وفي النهاية مقعدها في البيت؟
والله مايسوى عليها المكسينة
على قولتهم
تيتي تيتي مثل ما رحتي جيتي لوووووووووول
::
::
انا ماصادف وسافرت بلاد اجنبية ابد
احس بعد اللي قلته بدل مااستانس بنقهر لووول
::
::
المفروض من نقاطي تعرفني
لوول
اختك عيون الحب
First of all welcome back…I hope you enjoyed and u had new experience in your summer holiday…I can see that u really had nice time in Swaziland.
All I can say for these women..They lost there mind and I feel compassion about him
What a bad luck that u have!! that what call a really jogging..hehehe ..Take anther side and be positive in these situation ..u done some exercise!!
No comment for this poor woman..
By the way. thankxx for showing us beautiful views of Swaziland ..Nice pic’s
عيون الحب
مرحبا اختي عيون شخبارج؟
ماشالله عليج وجزاج الله خير انج عقبتي على كل النقاط الي طرحتها بس انا بعقب على رد واحد من الي ذكرتيه وهو موضوع كشخة البنات يوم يسيرون السوق ولا المول
انا شخصيا مب ضد ان الوحدة تكشخ وتخرج بمظهر طيب شريطة ان لا تكون مبالغة في هذه الكشخة
كل حد فينا يهمه انه يخرج بمظهر جميل وطيب ومثل مايقولون نجاري الموضة، فاذا الرجال ماهدو الموضة كيف البنات بيهدونها …صعبة شوي لول
انا شخصيا احب الاناقة بس بشكل مايكون مبااالغ واهم شي الموضة والماركات لول
صدقيني السفر روعة في لحظات وايد حلوة بس ماقدر اكتبها والي حبيت احطه هو اشياء دخيلة او غريبة علينا كمجتمع خليجي محافظ
شكرا على مشاركتج اختي عيون ومن عيون ماننحرمش منها لول
anonymous
شكرا على مشاركتك اخي او اختي الكريمة الحمدالله السفرة كانت حلوة واتمنى انها تتكرر مرة ثانيه بحياتي انشالله بس ويا كل اخواني وامي المرة الياية انشالله
لا تنسى تحط اسمك المرة الياية عسب نتعرف عليك لول
تحياتي
انا الحمدلله بصحة وعافية انت شحالك؟
انا مب ضد الاناقة والكشخة عن تقول هذي ماتفهم بالموضة
بس انا ما افضل عالكشخة في الاسواق او في اماكن العمل
يعني المرأة بأي هيئة تلفت اللي حولها
كيف وهي لابسة العباة اللي صارت فستان
وشيله اللي تقول طرحة
ومكياج اللي يشوف وجهها يقول دفتر رسم مب وجه؟
الكشخة لها اوقاتها اخوي
يعني بكشخ في لمة ناس
في مناسبة .. في عرس
في حفلة صغيرونة
في تجمع الأهل .. في الاعياد فهمت علي؟
اما غير جي فأنا ما اشوف له اي داعي بصراحة
عيون الحب
وجهة نظر احترمها ولج مني كل التقدير عليها لول
بس صج انا احب اجوف الوحدة انيقة ومرتبة وتبين مدى اهتمامها بنفسها مب اتيي الدوام ولا قالسوق ياية عنقاش ! نفس وحدة الله يستر عليها ذبحتني بالجنط الي اتييبهم الدوام حشى جنطة سفر مب جنطة يد ! لازم تسحبهم مب اتشيلهم !؟ ممكن اقترح عليها انركبلهم تواير جر؟
وكلامج صح الكشخة لها وقتها مثل مايقولون عند كل مقام مقااال لول وانا اقصد بالكشخة هي الاناقة
بس بعد لازم الوحدة تكون انيقة شوية بس مب جنة عرس !؟ لول وما ننسى الماركات لول
تحياتي عيون وثاااااااااانكس على تواجدج الدائم
Thanxx for your comment..And I hope u will travel next time with ur family
I agree totally with u about looking good.. of course Simply not not be oveeeeeeer good looking
To make the case clear I am F not M…
(^_^)
Thanxx for your comment..And I hope u will travel next time with ur family
I agree totally with u about looking good.. of course Simply not not be oveeeeeeer good looking
To make the case clear I am F not M…
(^_^)
ما أدري الناس تروح تصيف عشان ترتكب معاصي وترجع ولا شو السالفة …
الله يهدي الجميع ..
إذا كان السفر من وراه كل مصايب نقعد تحت مكيفنا وفي حرنا أبرك ..
حر الدنيا ولا حر جهنم ..
والحمدالله على السلامة
سالم !!
شو الحكمة من كلمة لوول في هالجملة “وجهة نظر احترمها ولج مني كل التقدير عليها لول
“
وفي غيرها من مواقع؟
الظاهر هناك بدل ما تتكلم لهجتهم او عنقليزي تقول لوول لول لووول لووووووول عشان يفهمون شو اللي تبيه لوووووووووووووووووووووووووول
لا العنقشة قصة ثانية انا كنت اتكلم عن الكشخة الزايدة عن الحد
وبعدين لا تعلق على شنط الحريم هذي الشنط كنز تلقى كل شي فيها تقول درج مب شنطة كااااك
وبس لول .. لول وبس ..
تحياتي لوول لك لوول ..
صدق اطلع فوق وتشوف كلمة لول اكثر من اللي انكتب
وانا قاعدة اقلدك لوول
“اتمنى ماتزعل بس وتقلب علينا :)”
بس صدق كلمة لول في الجملة الاولى قاهرتني ماشوف لها موقع من الاعراب
كتب رد طويل وماطلع عناد لما ماسويت كوبي ولا كل مرة اسوي ويطلع
المهم بحاول اعيد شو كتبت
كنت اريد اسألك شو الحكمة من كلمة لوول بعد هالجملة “وجهة نظر احترمها ولج مني كل التقدير عليها لول”
انت الظاهر لما سافرت ماكنت تتكلم بلهجتهم او عنقليزي كنت تقول لول لووول لووووول لووووووووول عشان يفهمونك لوووووووووووووووووووووووول
اشوفك كثير معلق عليها وحاطها في أماكن ماله اي موقع من الاعراب؟
العنقشة قصة ثانية انا اتكلم عن الكشخة الزايدة عن الحد واللي تستخدم في اماكن مب اماكنها
وتحياتي لول لك لوول على لول ردك لوول علي لوووووووول
“أتمنى ماتزعل مني وتقلب علي “
بس صدق ودي اعرف شو الحكمة من كلمة لول بعد الجملة اللي ذكرتها قبل؟
كتب رد طويل وماطلع عناد لما ماسويت كوبي ولا كل مرة اسوي ويطلع
المهم بحاول اعيد شو كتبت
كنت اريد اسألك شو الحكمة من كلمة لوول بعد هالجملة “وجهة نظر احترمها ولج مني كل التقدير عليها لول”
انت الظاهر لما سافرت ماكنت تتكلم بلهجتهم او عنقليزي كنت تقول لول لووول لووووول لووووووووول
عشان يفهمونك لوووووووووووووووووووووووول
اشوفك كثير معلق عليها وحاطها في أماكن ماله اي موقع من الاعراب؟
العنقشة قصة ثانية انا اتكلم عن الكشخة الزايدة عن الحد واللي تستخدم في اماكن مب اماكنها
وتحياتي لول لك لوول على لول ردك لوول علي لوووووووول
“أتمنى ماتزعل مني وتقلب علي “
بس صدق ودي اعرف شو الحكمة من كلمة لول بعد الجملة اللي ذكرتها قبل؟
عيون الحب
في السفر نشوف العجايب
مرة في ماليزيا شفت عايلة خليجية
المهم الريال يالس يشرب خمر والحرمة حليلها ماتبين اسود في اسود
يعني انت ذابح الحرمة اونك تخاف الله وأخر شي تشرب خمر
!! ماادري كيف يفكرون هالناس
تسلم أخوي عالموضوع
الله يهدينا ويهدي الجميع…
نعيش ونشوف أكثر… والعبرة لمن أعتبر…
لم يعد المكان والزمان والأناس كما كانوا قبل 10 سنوات فقط..
كل سنةو كل شهر و كل ساعة وكل دقيقة تطلعلنا ظاهرة جديدة دخيلة في المجتمع
فكان الله بعون الجميع
…………..
عيون الحب: أقدر جهدك في كتابة وجهة نظرك عن كلمة لول!!!؟
نصيحتي …. أنتظري ظهور ردك حتى الغد أحيانا …
مرحبا سالم
لا و يتم يمشي جدام يبصبص ..و الحرمة فارنها وراء و مغطنها
بعد ليش لحمك حرام الناس تشوفه..وانت اشوف لحم الناس عادي؟
استحقر جي ريايل ..لا حشيمة و لا تقدير حق أهاليهم
توصل بعد للخمر ..أقول مالت على ريايل هالزمان ..صدق ان لم تستح فافعل ما تشاء
الله يعين بس
)^_^(
انا بسميج الوجه المبتسم لول حياج الله اختي الفاضلة ونورتي مدونتي بوجودج وياني وانشالله انشوفج دومؤ
فتاة الحزن
لا اختي الناس ماتسير عسب تعم معاصي ترى بالنهاية اصابع يدج مب وحده وصدقيني الي يبدر منه اي نوع من تصرف خارج بلده صدقيني في بلده هو اصلا يكون متمرس على هل امر …السفر له فوائد واااااااااااااايد منها انج تكتشفين نفسج وتتعلمين من تجارب اتمرين فيها واتشوفين العالم شو متغير فيه وشو مستوي برع بلادكم وتتعرفين على ناس وتعرفين ااخر اخبار التسوق والموضو وتستمتعين باجواومناظر مب موجوده فبلادج واشياء كثيرة ثانية ….مانقدر انقول لا والله العالم برع انا اجوفه غلط مابسير …..نفس الصحابة الي ياو عند الرسو قالوله جفنا بالشام المراقص والراقصات والغنى قالهم صدقتو …وجماعة دشو عقبهم قالو شفنا بالشام المساجد والمنابر والدروس الدينية قالهم صدقتو !؟ قالو الصحابة كيف يا رسول الله الاثنين صح …قالهم الي يبا المراقص بيجوفها والي يبا المساجد بيجوفه او بما معناه ….فانتي سيري واستمتعي بس لا تجلسين من دون ما تدرين شو مستوي برع …لول تحياتي لج على مشاركتج واااسف على الرد الطويل
عيون الحب
انتي شكلج جنيتي على عمرج لووول والله ظحكني تعليقج وااايد …ماما انا يوم اكتب لول معناته ابتسامه …يعني انا يالس ابتسم شو ما تبيني ابتسم؟ تبين يتم وايهي عبوووووس !! ولا وجبوووس ! ااخ يوعان لول
بعدين هناكي انا علمتهم لغة ماقدر اقولج عنها لوووووول
لاتخافين ما زعلت منج والله وما جلبت علي لول
خلاص ماببتسم بعد اليوم انا لووول
وبعدين سالفة انه التعليقات ماتطلع الا بالموافقة ! فالله يسامح الاخ احمد ….ذبحني بكلامه ما عطاني حل ثاني ! لوووول
تحياتي
alamiri
صدقت اخي الفاضل هذا من الصنف الذي لا يسيء لنفسه فحسب بل يسيء للمسليمين كافة
شكرا على مشاركتك ومرورك الكريم
تحياتي
كناري
هذه ليست بامور دخيلة علينا بل ممارسات من قلة في مجتماعاتنا المحافظة
شكرا على التنغيزة على ان الرد ما يطلع الا ثاني يوم !!؟ شو اسوي نووو تايم سام تااايم لول …عاد الاسبوع الياي الدوام بيبدا …كل شهر بس تدوينه وحده ! لول
تحياتي
DUBAI
اووووه زين شاركتي ! عبالي مابتشاركين ! لول
شوفيهم رياييل هل زمان انشالله !!!؟؟؟
اصابع اليد مب وحده !؟ واذا في زين ففي شيييين !؟ لول
بس انتي شكلج معصبة اليوم !!؟ وامحرجة عدل ! فماراح
اقول اي شي لول
تحياتي واشربي عصير ليمون لول
السلام عليكم
انااحس انه هالايام سالفت الكشخه زادت عن حدها حلو الوحده تكشخ بس بحدود مب تكشخ جنهاسايره عرس مب دوام وله مكان عام وللاسف انه اغلب الناس الي يشوفون هالبنت مايستاهلون حتى يشوفوف ظفرها بس المهم انه البنيه اتحس بهالشئ واتكون عندهاغيره على نفسها ع الاقل بالعكس الوحده المفروض تترتب وتكشخ بس في الاماكن المناسبه وفي اماكن العمل والاماكن العامه الكشخه والترتيب حلو بس بحدود بس مايكون مبالغ وملفت وايد
انافي نقطه ابي اقولهالعيون الحب وكناري انااحس انه الاخ سالم يوم يحط كلمة لوووول احس هالكلمه تعيبني لاني احسهاتييب اشويت ضحك ع جديه في الموضوع مب حلو دايما الواحد يكون سيريس بهالمواضيع فالكمه تقلب الموووود شوي
واتمنى انك تستخدم هالكلمه لانها تعيبني وايد (: لوووووووووووول
مع تحياتي
AD بنــــــــت
اهليين وسهلين يالمسافرين العائدين الى ربو الوطن الحبيب شو الاخبار وشو هالمناظر الحلوه الي تبرد على القلب صراحه حتى وانا اقراء موظوعك تغطيت بالبطانيه بصدق ولكن الي زعلني كلامك عن العرب الي كانوا موجودين بالخارج معقول هالكلام الي قلته وبامانه انا ما انصدمة لاني شفت نفس المناظر الي انت شفتها يو كنت مسافره السنه الي طافة وانصدمة مثلك في البدايه بس بعدين حاولة اعود عيوني على هالمناظر وفي النهايه ما نقدر انقول الا نو كومنت صح بس حبيت اعلق على شيء انت كتبته-فاذا بي اركض واركض بحثا عن محل لبيع الاشرطة ولم اجد نفسي الا وانا في وسط المدينة! وانا اركض كاني في سباق مراثون والجنطة على ظهري!شو هذا الي انت كاتبنه شي غريب صراحه تخيلتك انك المفتش كونان ها ها ها
وشكرا على مشاركتي مهـــــــــــــــــــــــــــاري-
هاهاهاها المفتش كونان ولا المفتش سالم؟! هيهيهيه
سوري مب قصدي بس تعليق الاخت مهاري ضحكني شوي….
زين متى بنشوف موضوع يديد أحينه؟..
ترا لو طالت الوقفة على نفس المقال بتطلع تعليقات كلها عبارة عن لول ولول لووووووول…
أول شي ألــــــــــــــــف الحمدلله ع السلامة يا سالم .. و اقبلها مني حتى لو كانت متأخرة ..
صورك و رحلتك واضح للغاية كونها في قمة الورعة و استمتعت فيها و رجعت بذكريات ولا أحلى منها ..
بالنسبة لتصرفات (بعض) عيال الخليج بالخارج .. فصدقني ما استغربت ولا من شي من اللي قلته .. خلاص اعتدنا على هالمناظر .. و قبل كنت حتى ما تشوفها ع المسرح
مووووفق يا سالم يا رب
مرحبا اخوي سالم
مبارك عليك الشهر
بالنسبة للتاتو خبرك عتيج خلاص بناتنا وصلن لما هو ابعد عن الحواجب،،،،يعني خلاص ما بقى شي ما سونه
بعد ما يصير اذا ما سون نفس الغرب بيعتبرونهن متخلفات
و اذا سالتهن ليش مسويات جيه بيقولن ستايل هههههههه
بوست رائع و عجبني
يعطيك العافية
و حياك في مدونتي المتواضعة
بنت الاجاويد,
وانا شو دراني فقي لله !!؟ امشي وعيوني فالارض مادري البنات شو يسوون وشو مايسووون !!!؟ لول
انا احب الستايل بس مب الي يكون زيادة عن اللزوم وشكرا جزيلا على اول مشاركة لج وياي نورتي بلوقي يا بنت الاجاويد …مب جنة هذا اسم عطر !؟ لول
تحياتي
اخوي سالم
فقير الله ؟! احم احم
لا شكر على واجب
و على طاري الاسم ماادري اذا حد هفه و سمى عطره على اسمي
ثاااااانكس